ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Грамадства
10 лютага 2022, 09:28

Сёння стартуе беларуска-расійскае вучэнне "Саюзная рашучасць - 2022"

Фота  "Ваяр"
Фота "Ваяр"

10 лютага, Мінск /Кар. БЕЛТА/. Сёння стартуе сумеснае беларуска-расійскае вучэнне "Саюзная рашучасць - 2022", паведамляе БЕЛТА.

У адпаведнасці з рашэннем кіраўнікоў дзвюх дзяржаў у Беларусі да 9 лютага праходзіў першы этап праверкі сіл рэагавання Саюзнай дзяржавы. У рамках баявога зладжвання на розных палігонах войскі адпрацоўвалі пытанні вядзення абароны і барацьбы з НУФ.

На другім этапе праверкі сіл рэагавання, з 10 па 20 лютага, пройдзе сумеснае вучэнне "Саюзная рашучасць - 2022". Падраздзяленні і воінскія часці Узброеных Сіл Беларусі і Усходняй ваеннай акругі Узброеных Сіл Расіі адпрацуюць задачы па спыненні і адбіцці знешняй агрэсіі ў ходзе абарончай аперацыі, а таксама па процідзеянні тэрарызму і абароне інтарэсаў Саюзнай дзяржавы.

Практычныя дзеянні войскаў праходзяць на палігонах Брэсцкі, Даманаўскі, Гожскі, Абуз-Лясноўскі і Асіповіцкі. Плануецца задзейнічаць аэрадромы Баранавічы, Лунінец, Ліда і Мачулішчы. Колькасць ваеннаслужачых і колькасць тэхнікі, прыцягнутых на вучэнні, якія трапляюць пад дзеянне Венскага дакумента 2011 года, не перавышае вызначаныя ім параметры, што падлягаюць паведамленню.

Паводле інфармацыі Міністэрства абароны, для работы на вучэнні акрэдытавана больш за 150 журналістаў, якія прадстаўляюць беларускія, расійскія і замежныя сродкі масавай інфармацыі. Упершыню для работы на вучэнні запрошаны беларускія блогеры і лідары грамадскай думкі.

З 12 па 19 лютага Міністэрствам абароны будзе спланавана тры прэс-туры на ўчасткі практычных дзеянняў войскаў. 12 лютага Гожскі палігон наведаюць беларускія і расійскія журналісты як прадстаўнікі ад краін - удзельніц сумеснага аператыўнага вучэння ўзброеных сіл Беларусі і Расіі. У адпаведнасці з задумай правядзення сумеснага аператыўнага вучэння на палігоне спланавана вядзенне бою ў раёне засадных дзеянняў падраздзяленнямі баявой аховы з разведкай праціўніка. У далейшым будзе ажыццяўляцца вядзенне манеўранай абароны пры падтрымцы авіяцыі і артылерыі, правядзенне контратакі агульнавайсковым рэзервам на ўчастку ўклінення праціўніка. Потым выхад з бою і адыход на наступныя рубяжы манеўранай абароны.

15 лютага ўчастак мясцовасці Палескі наведаюць беларускія і расійскія журналісты як прадстаўнікі ад краін - удзельніц сумеснага аператыўнага вучэння ўзброеных Сіл Беларусі і Расіі. Тут спланавана правядзенне баявога пуску тактычным ракетным комплексам "Кропка". Баявыя пускі будуць праведзены ў рамках вядзення ракетнымі войскамі сістэматычных агнявых дзеянняў. У ходзе пуску будзе нанесены групавы ракетны ўдар па двух аб'ектах умоўнага праціўніка на аддаленні да 70 км.

Палігон Абуз-Лясноўскі 19 лютага наведаюць замежныя, беларускія і расійскія журналісты. На палігоне спланавана вядзенне абарончага бою на манеўраным рубяжы абароны з наступным выхадам з бою на аператыўны абарончы рубеж, нанясеннем паражэння праціўніку, правядзеннем контратакі з высадкай тактычнага паветранага дэсанту ў тыле праціўніка, пры падтрымцы авіяцыі і артылерыі на ўсіх этапах абарончага бою.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі