ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Грамадства
21 красавіка 2021, 14:04

Сенатары адобрылі законапраект аб масавых мерапрыемствах у Беларусі

Фота з архіва
Фота з архіва

21 красавіка, Мінск /Кар. БЕЛТА/. Сенатары на пасяджэнні пятай сесіі Савета Рэспублікі Нацыянальнага сходу сёмага склікання адобрылі законапраект "Аб змяненні Закона Беларусі "Аб масавых мерапрыемствах у Беларусі", перадае карэспандэнт БЕЛТА.

"Змяненні ў закон аб масавых мерапрыемствах прадыктаваны часам і правапрымяняльнай практыкай, - сказаў міністр унутраных спраў Іван Кубракоў. - У новым законапраекце скасоўваецца паведамляльны прынцып, калі дастаткова было праінфармаваць органы ўлады. Мы ўнеслі змяненні. На сённяшні дзень у абавязковым парадку павінен быць дазвольны прынцып, гэта значыць заяўны. Чаму гэта было зроблена? Другая палавіна 2020 года паказала, што асобныя грамадзяне Беларусі, а менавіта дэструктыўна настроеныя сілы, выкарыстоўвалі гэту норму для збору грамадзян. Потым у пэўны момант выводзілі людзей на вуліцы. У ходзе масавых беспарадкаў учыняліся злачынствы, у тым ліку цяжкія і асабліва цяжкія".

Міністр падкрэсліў, што пры падрыхтоўцы законапраекта вывучаўся міжнародны вопыт, у тым ліку Расійскай Федэрацыі.

Усе масавыя мерапрыемствы змогуць праводзіцца выключна на падставе дазволу мясцовых органаў улады. Пры гэтым мясцовыя выканаўчыя і распарадчыя органы надзяляюцца правам вызначаць месцы, рэкамендаваныя для іх правядзення. Забараняецца асвятленне ў сродках масавай інфармацыі, інтэрнэце або іншых інфармацыйных сетках у рэжыме рэальнага часу масавых мерапрыемстваў, якія праводзяцца з парушэннем устаноўленага парадку, з мэтай іх папулярызацыі або прапаганды.

Акрамя таго, сёння сенатары таксама адобрылі законапраект "Аб змяненні законаў па пытаннях забеспячэння нацыянальнай бяспекі Рэспублікі Беларусь". Дакумент таксама прадставіў Іван Кубракоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі