ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Грамадства
22 чэрвеня 2021, 12:45

Сенатар: ідэя ізаляцыі і санкцый у адносінах да дзяржавы ў цэнтры Еўропы выглядае абсурдна

Фота з архіва
Фота з архіва

22 чэрвеня, Мінск /Кар. БЕЛТА/. Сёння ідэя міжнароднай ізаляцыі і прымянення санкцый у адносінах да дзяржавы ў цэнтры Еўропы выглядае абсурдна. Такое меркаванне карэспандэнту БЕЛТА выказаў член Савета Рэспублікі, начальнік рэгіянальнай дырэкцыі па Віцебскай вобласці ААТ "Белаграпрамбанк" Алег Жынгель.

"У сучасным свеце ідэя міжнароднай ізаляцыі і прымянення санкцый у адносінах да дзяржавы, якая знаходзіцца ў цэнтры Еўропы, выглядае абсурдна. Незалежнасць, развіццё чалавечага патэнцыялу і эканамічны рост з'яўляюцца не толькі асновай дабрабыту грамадзян краіны, але і гарантыяй геапалітычнай стабільнасці ў рэгіёне. Замест развіцця ўзаемавыгаднага супрацоўніцтва шэраг краін актыўна садзейнічае дэстабілізацыі абстаноўкі ў Беларусі. Прымаюцца абмежавальныя меры ў розных сферах дзейнасці", - адзначыў сенатар.

Ён нагадаў, што беларуская апазіцыя лабіруе такія санкцыі, як эмбарга на імпарт тавараў у Еўрасаюз і забарона на новыя інвестыцыі з еўрапейскіх краін у беларускую эканоміку.

"Гучаць заклікі адключыць беларускія дзяржбанкі ад сістэмы SWIFT і ад плацежных сістэм Visa і Mastercard, інвестфонды павінны прад'явіць суверэнныя еўрааблігацыі Беларусі да датэрміновага пагашэння, замежныя кампаніі павінны спыніць любое супрацоўніцтва з беларускімі дзяржпрадпрыемствамі. Для нашай краіны гэта прывядзе да змяншэння аб'ёму знешніх пазык ад еўрапейскіх фінансавых інстытутаў для рэалізацыі інвестыцыйных праектаў, знізіцца магчымасць тэхнічнай мадэрнізацыі вытворчасцей, верагодна скароцяцца прадукцыйнасць працы і заработная плата работнікаў. У выніку пацерпяць звычайныя беларусы, - разважае Алег Жынгель. - Разам з тым санкцыі перашкаджаюць і самім еўрапейскім краінам: зніжаецца тавараабарот, адсутнічае магчымасць продажу вырабленага абсталявання. Як вынік - спад продажаў на еўрапейскіх прадпрыемствах і заработнай платы занятых там работнікаў. У выніку зноў церпяць звычайныя грамадзяне".

Сенатар упэўнены, што тыя, хто заклікае да санкцый у адносінах да беларускіх прадпрыемстваў, выступаюць супраць свайго ж народа. "Любыя эканамічныя санкцыі - гэта ўдар па простым чалавеку. Таму санкцыі нікому не патрэбны. Еўрапейскія ж палітыкі дзеля сваіх інтарэсаў не хочуць гэтага заўважаць. Беларускі народ хоча жыць у міры і згодзе са сваімі суседзямі на аснове раўнапраўных адносін. Галоўная задача сёння для нас - сумеснымі намаганнямі абараняць краіну і будучыню нашых дзяцей", - рэзюмаваў Алег Жынгель.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі