ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Суцэльная воблачнасць +27°C
Усе навіны
Усе навіны
Грамадства
18 студзеня 2022, 09:00

Сенатар: гістарычная памяць - мост паміж мінулым, сучасным і будучым

Фота з архіва
Фота з архіва

17 студзеня, Мінск /Кар. БЕЛТА/. Гістарычная памяць - мост паміж мінулым, сучасным і будучым, заявіла БЕЛТА член Савета Рэспублікі Ала Смаляк.

"Колькі б гадоў ні аддзяляла нас ад Вялікай Айчыннай вайны, яе страшныя, трагічныя падзеі глыбокім смуткам адклікаюцца ў нашых сэрцах. Бо практычна кожная беларуская сям'я зведала на сабе зверствы нацысцкіх злачынцаў. Вёска Ала, спаленая нацыстамі разам амаль з 2 тыс. яе жыхароў, лагер Азарычы, які стаў сапраўднай фабрыкай смерці, Чырвоны Бераг, у якім у гады вайны размяшчаўся дзіцячы канцэнтрацыйны лагер. Гэтыя і многія іншыя месцы трагедый - вечны напамін аб чалавечым болі, нечалавечай агрэсіі і жорсткасці", - сказала Ала Смаляк.

Сенатар падкрэсліла, што сёння ёсць тыя, "хто, каб дагадзіць сваім гаспадарам, спрабуе сцерці гэтыя страшныя старонкі ваеннага летапісу, навязаць нам, ды і ўсяму свету нейкія інтэрпрэтацыі ваенных падзей, сказіць праўду. Усе гэтыя спробы павінны і будуць строга спыняцца".

Менавіта на гэта накіраваны падпісаны Прэзідэнтам закон "Аб генацыдзе беларускага народа". "Гістарычная памяць - мост паміж мінулым, сучасным і будучым. Бо каб пабудаваць наша будучае, мы павінны беражліва захоўваць, аберагаць гісторыю, перадаваць наступным пакаленням праўду аб гераічным подзвігу продкаў, праўду аб тых злачынствах супраць чалавецтва, якія вяршыліся рукамі акупантаў і памагатых нацыстаў", - дадала сенатар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі