Фота з архіва
4 верасня, Мінск /Кар. БЕЛТА/. У Беларусі вызначаны парадак прымянення мер абмежавальнага характару ў сферы паслуг сувязі. Гэта прадугледжана пастановай Савета Міністраў ад 2 верасня 2025 года нумар 476, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Дакументам зацверджаны парадак абмежавання (аднаўлення) доступу да інтэрнэт-рэсурсу. Прадстаўленне аб прымяненні такіх мер абмежавальнага характару ўносіцца ўпаўнаважанай асобай - генеральным пракурорам, старшынёй Следчага камітэта, старшынёй Камітэта дзяржаўнай бяспекі, міністрам унутраных спраў або іншымі ўпаўнаважанымі імі службовымі асобамі. Яно павінна змяшчаць звесткі аб матэрыяле праверкі або крымінальнай справе, аб выяўленым парушэнні закону, што з'яўляецца падставай для абмежавання доступу да інтэрнэт-рэсурсу, прычынах і ўмовах, якія садзейнічаюць учыненню злачынства.
Прадстаўленне накіроўваецца ў Дзяржаўную інспекцыю па электрасувязі Міністэрства сувязі і інфарматызацыі для ўключэння адпаведнага ідэнтыфікатара інтэрнэт-рэсурсу ў спіс тых, доступ да якіх абмежаваны. А таксама ўладальніку інтэрнэт-рэсурсу, калі такі рэсурс адносіцца да нацыянальнага сегмента сеткі інтэрнэт (пры наяўнасці дакладных звестак аб такім уладальніку). Пастаўшчыкі інтэрнэт-паслуг на працягу чатырох гадзін з моманту ўключэння дзяржінспекцыяй ідэнтыфікатара інтэрнэт-рэсурсу ў спіс выконваюць арганізацыйна-тэхнічныя мерапрыемствы па абмежаванні доступу.
Уладальнік інтэрнэт-рэсурсу пасля ўстаранення парушэнняў, якія паслужылі падставай для абмежавання доступу, мае права падаць упаўнаважанай асобе, якая ўнесла прадстаўленне, матываваную заяву аб аднаўленні доступу з пазначэннем інфармацыі, якая пацвярджае ўстараненне такіх парушэнняў. Упаўнаважаная асоба разглядае заяву ўладальніка ў месячны тэрмін з дня яе атрымання і прымае рашэнне аб аднаўленні доступу або аб адмове.
Падставай для адмовы ў аднаўленні доступу да інтэрнэт-рэсурсу з'яўляецца неўстараненне парушэнняў, наяўнасць іншых выяўленых парушэнняў закону, прычын і ўмоў, якія садзейнічаюць учыненню злачынстваў, або аб'ектыўнай немагчымасці дакладнага пацвярджэння ўстаранення парушэнняў, якія паслужылі падставай для абмежавання доступу.
Таксама ўстаноўлены парадак прымянення мер абмежавальнага характару па спыненні, прыпыненні (аднаўленні) аказання паслуг электрасувязі, інтэрнэт-паслуг. Прадстаўленне аб такіх мерах павінна змяшчаць звесткі аб матэрыяле праверкі або крымінальнай справе, аб выяўленым парушэнні закону, прычынах і ўмовах, якія садзейнічаюць учыненню злачынства. Яно накіроўваецца аператару электрасувязі, а з 15 кастрычніка 2025 года - Нацыянальнаму цэнтру абмену трафікам. Аператар электрасувязі прыпыняе аказанне паслуг па названых у прадстаўленні ідэнтыфікатарах у дзень яго атрымання тэрмінам на шэсць месяцаў (калі іншае не пазначана ў дакуменце). Пасля заканчэння гэтага тэрміну і ў выпадку непаступлення рашэння аб аднаўленні аказання паслуг аператар электрасувязі наогул спыняе іх аказанне незалежна ад наяўнасці іншых мер абмежавальнага характару шляхам скасавання ў аднабаковым парадку дагавора.
Пастанова ўступае ў сілу пасля яе афіцыйнага апублікавання.-0-
Дакументам зацверджаны парадак абмежавання (аднаўлення) доступу да інтэрнэт-рэсурсу. Прадстаўленне аб прымяненні такіх мер абмежавальнага характару ўносіцца ўпаўнаважанай асобай - генеральным пракурорам, старшынёй Следчага камітэта, старшынёй Камітэта дзяржаўнай бяспекі, міністрам унутраных спраў або іншымі ўпаўнаважанымі імі службовымі асобамі. Яно павінна змяшчаць звесткі аб матэрыяле праверкі або крымінальнай справе, аб выяўленым парушэнні закону, што з'яўляецца падставай для абмежавання доступу да інтэрнэт-рэсурсу, прычынах і ўмовах, якія садзейнічаюць учыненню злачынства.
Прадстаўленне накіроўваецца ў Дзяржаўную інспекцыю па электрасувязі Міністэрства сувязі і інфарматызацыі для ўключэння адпаведнага ідэнтыфікатара інтэрнэт-рэсурсу ў спіс тых, доступ да якіх абмежаваны. А таксама ўладальніку інтэрнэт-рэсурсу, калі такі рэсурс адносіцца да нацыянальнага сегмента сеткі інтэрнэт (пры наяўнасці дакладных звестак аб такім уладальніку). Пастаўшчыкі інтэрнэт-паслуг на працягу чатырох гадзін з моманту ўключэння дзяржінспекцыяй ідэнтыфікатара інтэрнэт-рэсурсу ў спіс выконваюць арганізацыйна-тэхнічныя мерапрыемствы па абмежаванні доступу.
Уладальнік інтэрнэт-рэсурсу пасля ўстаранення парушэнняў, якія паслужылі падставай для абмежавання доступу, мае права падаць упаўнаважанай асобе, якая ўнесла прадстаўленне, матываваную заяву аб аднаўленні доступу з пазначэннем інфармацыі, якая пацвярджае ўстараненне такіх парушэнняў. Упаўнаважаная асоба разглядае заяву ўладальніка ў месячны тэрмін з дня яе атрымання і прымае рашэнне аб аднаўленні доступу або аб адмове.
Падставай для адмовы ў аднаўленні доступу да інтэрнэт-рэсурсу з'яўляецца неўстараненне парушэнняў, наяўнасць іншых выяўленых парушэнняў закону, прычын і ўмоў, якія садзейнічаюць учыненню злачынстваў, або аб'ектыўнай немагчымасці дакладнага пацвярджэння ўстаранення парушэнняў, якія паслужылі падставай для абмежавання доступу.
Таксама ўстаноўлены парадак прымянення мер абмежавальнага характару па спыненні, прыпыненні (аднаўленні) аказання паслуг электрасувязі, інтэрнэт-паслуг. Прадстаўленне аб такіх мерах павінна змяшчаць звесткі аб матэрыяле праверкі або крымінальнай справе, аб выяўленым парушэнні закону, прычынах і ўмовах, якія садзейнічаюць учыненню злачынства. Яно накіроўваецца аператару электрасувязі, а з 15 кастрычніка 2025 года - Нацыянальнаму цэнтру абмену трафікам. Аператар электрасувязі прыпыняе аказанне паслуг па названых у прадстаўленні ідэнтыфікатарах у дзень яго атрымання тэрмінам на шэсць месяцаў (калі іншае не пазначана ў дакуменце). Пасля заканчэння гэтага тэрміну і ў выпадку непаступлення рашэння аб аднаўленні аказання паслуг аператар электрасувязі наогул спыняе іх аказанне незалежна ад наяўнасці іншых мер абмежавальнага характару шляхам скасавання ў аднабаковым парадку дагавора.
Пастанова ўступае ў сілу пасля яе афіцыйнага апублікавання.-0-
Падпісвайцеся на нас у
