12 сакавіка, Мінск /Кар. БЕЛТА/. Сацыяльныя пункты для набліжэння паслуг да месца пражывання людзей у 2021 годзе адкрыюць у Мінскім, Вілейскім і Смалявіцкім раёнах. Аб гэтым сёння расказала старшыня камітэта па працы, занятасці і сацыяльнай абароне Мінаблвыканкама Тамара Красоўская на яго падагульняючай калегіі, перадае карэспандэнт БЕЛТА.
"Трэба забяспечваць сацыяльнымі паслугамі ўсіх людзей, якія пражываюць у аддаленых і маланаселеных вёсках, таму неабходна пашыраць сетку сацыяльных пунктаў. У бягучым годзе з улікам патрэбнасці плануецца адкрыццё такіх памяшканняў у Мінскім, Вілейскім і Смалявіцкім раёнах, таксама з'явіцца аддзяленне дзённага знаходжання для грамадзян пажылога ўзросту ў гарадскім пасёлку Плешчаніцы Лагойскага раёна", - расказала Тамара Красоўская.
Сёння ў Мінскай вобласці 130 сацыяльных пунктаў, толькі ў Барысаўскім раёне - 11. Іх агульнымі напрамкамі работы з'яўляюцца выяўленне і ўлік грамадзян, якія маюць патрэбу ў сацыяльных паслугах, ажыццяўленне прынцыпу пераемнасці ў прадстаўленні розных форм і відаў сацыяльнай дапамогі, прыцягненне да супрацоўніцтва арганізацый розных форм уласнасці, фізічных асоб для аказання матэрыяльнай, маральнай і іншай падтрымкі грамадзянам, якія апынуліся ў цяжкай жыццёвай сітуацыі, кансультаванне па пытаннях аказання сацыяльнай дапамогі і сацыяльнага абслугоўвання.-0-
