Сцяг Панядзелак, 24 чэрвеня 2024
Усе навіны
Усе навіны
Грамадства
09 мая 2024, 14:19

Сацапытанне: большасць беларусаў наведваюць месцы памяці герояў Вялікай Айчыннай вайны

9 мая, Мінск /Кар. БЕЛТА/. Большасць беларусаў наведваюць месцы памяці герояў Вялікай Айчыннай вайны. Такія даныя апытання грамадскай думкі карэспандэнту БЕЛТА прывёў намеснік дырэктара па навуковай рабоце Інстытута сацыялогіі НАН Беларусі Аляксандр Пасталоўскі.

З мэтай вывучэння меркавання жыхароў Рэспублікі Беларусь аб Вялікай Айчыннай вайне Інстытутам сацыялогіі Нацыянальнай акадэміі навук у першым квартале 2024 года было праведзена апытанне грамадскай думкі. Аб'ём выбарачнай сукупнасці - 900 рэспандэнтаў. Замер праводзіўся ва ўсіх абласных гарадах і г. Мінску, асобных раённых гарадах і сельскіх населеных пунктах.

Больш за палавіну ўдзельнікаў апытання адзначылі, што час ад часу наведваюць месцы памяці герояў Вялікай Айчыннай вайны (68,5 працэнта), у той час як рэгулярна робіць гэта толькі кожны пяты рэспандэнт (19,7 працэнта). Не наведваюць такія месцы наогул 11,5 працэнта апытаных, не змаглі адказаць 0,3 працэнта.

"Улічваючы, колькі гадоў мінула пасля ВАВ, ветэранаў становіцца ўсё менш - тое, што людзі прадаўжаюць наведваць гэтыя месцы, звяртацца да гісторыі, праяўляць да іх цікавасць, у прынцыпе сведчыць аб здаровым інтарэсе беларускага грамадства. Гэта сведчыць аб тым, што мы не страчваем гістарычную памяць. Гістарычная памяць аб тых падзеях пераходзіць ад пакалення да пакалення, - адзначыў Аляксандр Пасталоўскі. - Падзеі тых трагічных і тым не менш гераічных дзён не будуць забыты".

На думку ўдзельнікаў апытання, Дзень Перамогі з'яўляецца перш за ўсё днём смутку па ўсіх загінулых (47,1 працэнта), святам ветэранаў вайны (47 працэнтаў), народным святам для грамадзян Беларусі і іншых краін былога СССР (45,9 працэнта).-0-
Падпісвайцеся на нас у
Twitter
Топ-навіны
Свежыя навіны Беларусі