Самы дарагі прадукт - здароўе. Шаўцоў аб тым, чаму ахову здароўя можна лічыць галіной вытворчасці

5 верасня, Мінск /Кар. БЕЛТА/. Сістэма аховы здароўя - гэта сістэма вытворчасці, якая стварае самы дарагі прадукт - здароўе, заявіў журналістам дэпутат Палаты прадстаўнікоў Нацыянальнага сходу Дзмітрый Шаўцоў перад рэспубліканскай інфармацыйна-асветнай акцыяй "Беларусь адзіная", якую сёння праводзяць у Беларускім дзяржаўным медыцынскім універсітэце, перадае карэспандэнт БЕЛТА.

"Ва ўсе часы на сістэму аховы здароўя ўскладалася вельмі важная функцыя. Я заўсёды, выступаючы, гавару аб тым, што сістэма аховы здароўя - гэта галіна вытворчасці. Не сфера абслугоўвання, а менавіта галіна вытворчасці, якая стварае самы дарагі ў свеце прадукт - гэта здароўе", - сказаў Дзмітрый Шаўцоў.

Тлумачачы сваю думку, дэпутат адзначыў: калі грамадства будзе здаровае, будзе выконваць тыя рэкамендацыі, якія неабходны, то можна будзе вырашыць пытанні з дэмаграфічнай бяспекай, эканомікай, знешняй палітыкай і гэтак далей.

"Мы цудоўна разумеем: калі чалавек хворы, ён абмежаваны ў сваіх рухах. Калі грамадства хворае, яно, зразумела, абмежавана ў сваіх рухах. Таму мы павінны разумець, што сістэма аховы здароўя забяспечвае ў першую чаргу наша грамадства здароўем, гэта значыць паступальным рухам наперад", - адзначыў дэпутат.-0-