ДЗЯРЖОРГАНЫДЗЯРЖОРГАНЫ
Флаг Субота, 10 чэрвеня 2023
Мінск Суцэльная воблачнасць +18°C
Усе навіны
Усе навіны
Грамадства
26 мая 2023, 15:29

Саюзныя парламентарыі абмяркуюць у Полацку падрыхтоўку кадраў вышэйшай кваліфікацыі ў Беларусі і Расіі

Фота з архіва
Фота з архіва

26 мая, Масква /Эдуард Півавар - БЕЛТА/. Пасяджэнне Камісіі Парламенцкага сходу Саюза Беларусі і Расіі па культуры, навуцы і адукацыі адбудзецца 31 мая ў Полацку, паведамілі БЕЛТА ў прэс-службе сходу.

"Дэпутаты разгледзяць пытанне падрыхтоўкі кадраў вышэйшай кваліфікацыі ў адукацыйных і навуковых арганізацыях (установах) Беларусі і Расіі, а таксама магчымыя напрамкі і меры па паляпшэнні якасці падрыхтоўкі маладых вучоных у Саюзнай дзяржаве", - сказалі ў прэс-службе.

Плануецца абмеркаванне пытанняў падрыхтоўкі саюзных мерапрыемстваў у рамках Міжнароднага фестывалю мастацтваў "Славянскі базар у Віцебску", а таксама ў ходзе распрацоўкі новых праектаў і мерапрыемстваў Саюзнай дзяржавы на 2024 год па прапановах Камісіі Парламенцкага сходу па культуры, навуцы і адукацыі.

"Акрамя таго, з удзелам прадстаўнікоў Полацкага райвыканкама і Полацкага раённага Савета дэпутатаў, будзе разгледжана пытанне аб дзейнасці рэгіянальных органаў выканаўчай улады і грамадскіх арганізацый па захаванні мемарыялаў і падтрыманні ў належным стане воінскіх пахаванняў", - дадалі ў прэс-службе.

Да ўдзелу ў мерапрыемстве запрошаны прадстаўнікі Пастаяннага камітэта Саюзнай дзяржавы, Міністэрства адукацыі Беларусі, Міністэрства асветы Расіі, Міністэрства навукі і вышэйшай адукацыі Расіі, міністэрстваў культуры Беларусі і Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі