Мабільная версія
ДЗЯРЖОРГАНЫ
Апошнія навіны
Усе навіны

Рыжанкоў паабяцаў вырашыць пытанне з адсутнасцю педыятра ў Моталі

Грамадства 19.10.2018 | 17:04
Максім Рыжанкоў (у цэнтры)
Максім Рыжанкоў (у цэнтры)

19 кастрычніка, Іванаўскі раён /Кар. БЕЛТА/. Першы намеснік кіраўніка Адміністрацыі Прэзідэнта Максім Рыжанкоў сёння знаходзіцца з рабочай паездкай у Іванаўскім раёне, перадае карэспандэнт БЕЛТА.

Пры наведванні аграгарадка Моталь на сустрэчы з жыхарамі прагучала просьба дапамагчы вырашыць пытанне з педыятрам. У аграгарадку, дзе пражываюць больш як 800 дзяцей, урача няма з мінулага года, пры гэтым стаўка ва ўчастковай паліклініцы захоўваецца.

"Я быў здзіўлены гэтым, - сказаў Максім Рыжанкоў. - З дапамогай Брэсцкага аблвыканкама пастараемся вырашыць пытанне ў самы бліжэйшы час. Столькі дзяцей, і каб не было педыятра - гэта ж нават не ўчарашні дзень. Можна доўга гаварыць пра нейкіх спецыялістаў, якія павінны быць у рамках стандартаў, але педыятр тут павінен быць. Мы аб гэтым ужо дамовіліся, пытанне будзе на кантролі, і я спадзяюся, што ў бліжэйшы час яно будзе закрыта".

Першы намеснік кіраўніка Адміністрацыі Прэзідэнта адзначыў важнасць тэмы сацыяльных стандартаў, асабліва для такіх населеных пунктаў. Гэта садзейнічае замацаванню моладзі на малой радзіме, развіццю вёскі. Пры гэтым у людзей не павінна быць утрыманскай пазіцыі адносна грамадства, спажывецкага падыходу. "Дзяржава павінна даць пэўны сацыяльны пакет. Нам шмат яшчэ трэба зрабіць, каб замацаваць чалавека там, дзе ён жыве, каб не пераязджалі ў вялікія гарады, маглі знайсці сабе работу дома. Я вельмі рады таму, што ў Моталі людзі стараюцца заставацца на сваёй зямлі. Тут ёсць работа, і не толькі тая, што прадастаўляе дзяржава. Тут прыватны бізнес добра прадстаўлены, развіта самазанятасць, дзяцей нараджаюць, дзве школы поўныя. Гэта сведчыць аб тым, што будучыня ў аграгарадка ёсць", - упэўнены Максім Рыжанкоў.

На сустрэчы з прадстаўнікамі працоўных калектываў, якая адбылася ў Доме культуры, таксама гучала тэма мясцовых дарог, захавання гістарычнай спадчыны, выхавання падрастаючага пакалення. Максім Рыжанкоў азнаёміўся з вытворчасцю ААТ "Агра-Моталь", работай дзіцяча-юнацкай спартыўнай школы, наведаў мясцовы цэнтр народнай творчасці.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.