Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Румас уручыў дзяржузнагароды больш як 100 прадстаўнікам розных сфер

Грамадства 19.12.2018 | 13:53
У час цырымоніі
У час цырымоніі

19 снежня, Мінск /Кар. БЕЛТА/. Прэм'ер-міністр Беларусі Сяргей Румас уручыў сёння дзяржаўныя ўзнагароды больш як 100 прадстаўнікам розных сфер, перадае карэспандэнт БЕЛТА.

Дзяржузнагародамі адзначаны прадстаўнікі прамысловай сферы, сферы сельскай гаспадаркі, медыцынскія работнікі, настаўнікі, вучоныя, трэнеры. Сярод узнагароджаных таксама супрацоўнікі БЕЛТА. Падзяка Прэзідэнта аб'яўлена інжынеру сектара адміністравання сетак і эксплуатацыі абсталявання цэнтра сувязі і аўтаматызаваных сістэм БЕЛТА Таццяне Караньковай за шматгадовую плённую працу, значны асабісты ўклад у распрацоўку і суправаджэнне інтэрнэт-рэсурсаў дзяржаўных органаў. Намеснік генеральнага дырэктара БЕЛТА - галоўны рэдактар газеты "7 дней" Наталля Філіпоўская ўдастоена Падзякі Прэзідэнта за шматгадовую плённую працу, значны асабісты ўклад у развіццё беларускай журналістыкі.

Таццяна Каранькова і Сяргей Румас
Таццяна Каранькова і Сяргей Румас'

Заслужаныя дзяржаўныя ўзнагароды лепшым прадстаўнікам працоўных калектываў краіны ўручаны па даручэнні Прэзідэнта Беларусі. Кожны з узнагароджаных унёс свой уклад у развіццё незалежнай Беларусі, адзначыў Сяргей Румас.

Наталля Філіпоўская і Сяргей Румас
Наталля Філіпоўская і Сяргей Румас'

"2018 год не быў лёгкім. Яго канчатковыя вынікі мы падвядзём у пачатку наступнага года. Але разам з тым ужо цяпер можна канстатаваць: сумеснымі намаганнямі нам удалося дабіцца пэўных рэзультатаў, - сказаў кіраўнік урада. - Збалансаваны знешні гандаль, палепшаны плацежны баланс краіны. Інфляцыя знаходзіцца ў запланаваных параметрах, і па выніках года мы чакаем рэкордна нізкае яе значэнне. Пры гэтым забяспечана стабільнасць на спажывецкім рынку".

Асаблівая ўвага традыцыйна ўдзяляецца развіццю аграпрамысловага комплексу, і заслужаныя ўзнагароды ўручаны многім прадстаўнікам гэтай галіны. "Высокая якасць выпускаемай прадукцыі, выкарыстанне натуральных прадуктаў і сыравіны даюць магчымасць вытворцам займаць вядучыя пазіцыі на сусветным рынку. Паводле прагнозаў урада, экспарт сельгаспрадукцыі ў 2018 годзе перасягне ўзровень мінулага года, а ў наступным годзе чакаецца рост яшчэ на 7 працэнтаў", - падкрэсліў Сяргей Румас.

У час цырымоніі
У час цырымоніі'

Сярод узнагароджаных - дарожныя рабочыя. Дзякуючы іх намаганням у краіне актыўна ідзе рэканструкцыя аўтадарог. Высокімі ўзнагародамі адзначана работа прадстаўнікоў прамысловага комплексу, якія ўносяць значны ўклад у развіццё рэальнага сектара.

Сярод узнагароджаных прэм'ер-міністр вылучыў навучэнца Мінскага дзяржаўнага прафесійнага ліцэя нумар 9 аўтамабілебудавання Віталя Цітова і кіраўніка аддзялення Беларусбанка ў Магілёве Алену Бурсаву. "Пра такіх, як Віталь, гавораць "герой нашага часу". Ён, рызыкуючы сваім жыццём, 28 кастрычніка мінулага года выратаваў хлопчыка, які тануў у Свіслачы. Учынак сапраўднага мужчыны і грамадзяніна. Алена Бурсава сваімі прафесійнымі дзеяннямі садзейнічала затрыманню ўзброенага злачынца", - адзначыў Сяргей Румас.

Словы ўдзячнасці прэм'ер-міністр адрасаваў вучоным, выкладчыкам і настаўнікам, якія сёння таксама атрымалі заслужаныя ўзнагароды. У спісе ўзнагароджаных медыцынскія работнікі. "Мы часта чакаем ад урачоў цуду. І яно адбываецца, таму што вы робіце ў сваёй прафесіі ўсё магчымае, а часам і немагчымае. Дзякуй вам за гэта", - сказаў кіраўнік урада. Узнагароды атрымалі і прадстаўнікі творчай інтэлігенцыі.

Падзякі Прэзідэнта ўручаны трэнерам і выкладчыкам за шматгадовую і плённую працу па развіцці і папулярызацыі фізічнай культуры і спорту.

"Чакаем, што дзякуючы вашым намаганням нашы спартсмены дастойна выступяць на II Еўрапейскіх гульнях, якія ў наступным годзе прыме Мінск. Мы як арганізатары прыкладзём усе намаганні, каб гэтыя спаборніцтвы прайшлі на самым высокім узроўні", - дадаў Сяргей Румас. Ён звярнуў увагу, што асаблівую значнасць гэты спартыўны форум будзе мець і таму, што ён пройдзе за год да летніх Алімпійскіх гульняў у Токіа і стане для многіх атлетаў пропускам на галоўныя старты чатырохгоддзя.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.