Ігар Петрышэнка
8 чэрвеня, Гродна /Кар. БЕЛТА/. Фестываль нацыянальных культур паказвае, што розныя народы нашай краіны жывуць адзінай сям'ёй. Аб гэтым журналістам заявіў намеснік прэм'ер-міністра Ігар Петрышэнка на XIV Рэспубліканскім фестывалі нацыянальных культур у Гродне, перадае карэспандэнт БЕЛТА.
"Вось ужо 14-ы фестываль культур і народаў, які крочыць па Беларусі, аб'ядноўвае і дае магчымасць кожнаму чалавеку, якой бы веры або нацыянальнасці ён ні быў, спакойна, прыгожа і элегантна дэманстраваць свае здольнасці ў нашай краіне. Будзе гэта рускі, беларус, украінец, татарын, паляк, або літовец - яны ўсе ў адзінай сям'і", - сказаў Ігар Петрышэнка.
Віцэ-прэм'ер адзначыў добразычлівую і сапраўды святочную атмасферу: "Людзі ўсміхаюцца, і робяць гэта шчыра, бо яны прымаюць удзел у творчым развіцці нашай краіны".
Гаворачы аб творчым развіцці, Ігар Петрышэнка падкрэсліў, што размова ідзе не толькі пра Рэспубліканскі фестываль нацыянальных культур, але і іншыя яркія падзеі: "Купалле", "Славянскі базар", "Кліч Палесся". "Гэта менавіта тое, што паказвае асаблівасці кожнага кутка нашай роднай Беларусі", - перакананы ён.
"Вось ужо 14-ы фестываль культур і народаў, які крочыць па Беларусі, аб'ядноўвае і дае магчымасць кожнаму чалавеку, якой бы веры або нацыянальнасці ён ні быў, спакойна, прыгожа і элегантна дэманстраваць свае здольнасці ў нашай краіне. Будзе гэта рускі, беларус, украінец, татарын, паляк, або літовец - яны ўсе ў адзінай сям'і", - сказаў Ігар Петрышэнка.
Гаворачы аб творчым развіцці, Ігар Петрышэнка падкрэсліў, што размова ідзе не толькі пра Рэспубліканскі фестываль нацыянальных культур, але і іншыя яркія падзеі: "Купалле", "Славянскі базар", "Кліч Палесся". "Гэта менавіта тое, што паказвае асаблівасці кожнага кутка нашай роднай Беларусі", - перакананы ён.
Віцэ-прэм'ер дадаў, што ўчора, у першы дзень фестывалю нацыянальных культур, толькі ў адным раёне Гродна зарэгістравалі 16 шлюбаў. "Гэта цудоўна. Гэта сведчыць аб тым, што моладзь стварае сем'і, каб Беларусь наша развівалася і мацнела, каб у нашай краіне нараджаліся дзеці", - рэзюмаваў Ігар Петрышэнка.-0-
Фота Таццяны Матусевіч
