4 студзеня, Салігорск /Кар. БЕЛТА/. "Марафон адзінства" задае святочны, яркі настрой усёй краіне. Аб гэтым сказала журналістам Хрысціна Дайняк - галоўны рэжысёр ад Мінскай вобласці канцэрта "Час выбраў нас", які праходзіць сёння ў Салігорску, перадае карэспандэнт БЕЛТА.
"У канцэртнай праграме прымаюць удзел калектывы - самыя яркія, самыя цікавыя для публікі. Розных узростаў - ад малога да вялікага: дзеткі ад пяці гадоў і дарослыя да 80. Гэта калектывы Салігорскага раёна, якія маюць званні і выступаюць з гастролямі па ўсёй рэспубліцы. Іх можна будзе ўбачыць у вялікім калядным нумары", - расказала Хрысціна Дайняк.
Яна падкрэсліла, што для Мінскай вобласці вялікі гонар прымаць "Марафон адзінства" ў новым годзе. "Такім чынам мы задаём святочны, яркі настрой краіне. Такім і будзе канцэрт - з прыгожымі і яркімі нумарамі", - адзначыла яна.
Паводле слоў галоўнага рэжысёра, "Марафон адзінства" ездзіць па ўсёй Беларусі, і ў яго ўдзельнікаў ёсць магчымасць убачыць, як адрозніваецца творчасць у розных рэгіёнах. "Мы былі ў Мазыры, Брэсце, гэта загартоўвае, дорыць атмасферу калектывам, дружалюбную, аб'яднальную. І калі гаварыць пра разнастайнасць, то каларыт Мінскай вобласці ў тым, што ў ёй ёсць частка ад Брэсцкай, Віцебскай і іншых абласцей, бо мы з імі мяжуем. Ён аб'ядноўвае ўсю народную творчасць", - сказала Хрысціна Дайняк.-0-
Падпісвайцеся на нас у
