Вадзім Богуш
29 жніўня, Мінск /Кар. БЕЛТА/. Сістэма вышэйшай адукацыі задавольвае ўсе патрэбнасці нашай эканомікі, заявіў журналістам рэктар Беларускага дзяржаўнага ўніверсітэта інфарматыкі і радыёэлектронікі (БДУІР) Вадзім Богуш у час семінара-нарады на тэму "Развіццё сістэмы адукацыі на сучасным этапе: праблемныя пытанні і навацыі ў заканадаўстве" (у святле падрыхтоўкі праекта закона Рэспублікі Беларусь "Аб змяненні законаў па пытаннях адукацыі"), перадае карэспандэнт БЕЛТА.
"Калі мы гаворым менавіта аб развіцці вышэйшай школы ў Беларусі, то напрамкі былі даволі выразна абазначаны на Рэспубліканскім педагагічным савеце. Гэта, з аднаго боку, задача забяспечыць высокі якасны ўзровень падрыхтоўкі нашых выпуснікоў, прычым гэта павінна адбывацца па ўсіх напрамках, - адзначыў рэктар. - Самая складаная задача, на мой погляд, - забяспечыць якасць падрыхтоўкі па тэхніка-тэхналагічных і інжынерных спецыяльнасцях. Тут свет не стаіць на месцы, і большая частка сучасных тэхналогій - і заслуга кадравага патэнцыялу, і вынікі вельмі многіх комплексных, няпростых навуковых даследаванняў".
Сістэма вышэйшай адукацыі задавольвае ўсе патрэбнасці нашай эканомікі, падкрэсліў Вадзім Богуш. "Разам з тым мы павінны і глядзім наперад з пункту гледжання развіцця новых напрамкаў падрыхтоўкі, перазагрузкі некаторых існуючых напрамкаў падрыхтоўкі, - сказаў ён. - На прыкладзе Беларускага дзяржаўнага ўніверсітэта інфарматыкі і радыёэлектронікі магу сказаць, што ў гэтым годзе мы адкрылі некалькі новых спецыяльнасцей. Гэта спецыяльнасць "электроннае машынабудаванне", якую мы рабілі сумесна з "Планар" пад развіццё мікраэлектронікі. Другая спецыяльнасць - "кіберфізічныя сістэмы", якая прадугледжвае падрыхтоўку спецыялістаў для развіцця рабатызаваных вытворчасцей, сістэм "чалавек-машына", якія фактычна з'яўляюцца новым пакаленнем прамысловых тэхналогій, над якімі імкнецца працаваць увесь свет".
Удзельнікі семінара разгледзяць пытанні аб навацыях праекта закона "Аб змяненні законаў па пытаннях адукацыі", шляхах далейшага развіцця сістэмы адукацыі на сучасным этапе, праблемных пытаннях падрыхтоўкі навуковых работнікаў вышэйшай кваліфікацыі, развіцці сучаснага ўніверсітэта як цэнтра навуковай і адукацыйнай дзейнасці, аб арганізацыі работы ўстаноў агульнай сярэдняй адукацыі ва ўмовах сучасных патрабаванняў па павышэнні якасці адукацыі.-0-
"Калі мы гаворым менавіта аб развіцці вышэйшай школы ў Беларусі, то напрамкі былі даволі выразна абазначаны на Рэспубліканскім педагагічным савеце. Гэта, з аднаго боку, задача забяспечыць высокі якасны ўзровень падрыхтоўкі нашых выпуснікоў, прычым гэта павінна адбывацца па ўсіх напрамках, - адзначыў рэктар. - Самая складаная задача, на мой погляд, - забяспечыць якасць падрыхтоўкі па тэхніка-тэхналагічных і інжынерных спецыяльнасцях. Тут свет не стаіць на месцы, і большая частка сучасных тэхналогій - і заслуга кадравага патэнцыялу, і вынікі вельмі многіх комплексных, няпростых навуковых даследаванняў".
Сістэма вышэйшай адукацыі задавольвае ўсе патрэбнасці нашай эканомікі, падкрэсліў Вадзім Богуш. "Разам з тым мы павінны і глядзім наперад з пункту гледжання развіцця новых напрамкаў падрыхтоўкі, перазагрузкі некаторых існуючых напрамкаў падрыхтоўкі, - сказаў ён. - На прыкладзе Беларускага дзяржаўнага ўніверсітэта інфарматыкі і радыёэлектронікі магу сказаць, што ў гэтым годзе мы адкрылі некалькі новых спецыяльнасцей. Гэта спецыяльнасць "электроннае машынабудаванне", якую мы рабілі сумесна з "Планар" пад развіццё мікраэлектронікі. Другая спецыяльнасць - "кіберфізічныя сістэмы", якая прадугледжвае падрыхтоўку спецыялістаў для развіцця рабатызаваных вытворчасцей, сістэм "чалавек-машына", якія фактычна з'яўляюцца новым пакаленнем прамысловых тэхналогій, над якімі імкнецца працаваць увесь свет".
Удзельнікі семінара разгледзяць пытанні аб навацыях праекта закона "Аб змяненні законаў па пытаннях адукацыі", шляхах далейшага развіцця сістэмы адукацыі на сучасным этапе, праблемных пытаннях падрыхтоўкі навуковых работнікаў вышэйшай кваліфікацыі, развіцці сучаснага ўніверсітэта як цэнтра навуковай і адукацыйнай дзейнасці, аб арганізацыі работы ўстаноў агульнай сярэдняй адукацыі ва ўмовах сучасных патрабаванняў па павышэнні якасці адукацыі.-0-
Падпісвайцеся на нас у
