Мабільная версія
ДЗЯРЖОРГАНЫ

Апошнія навіны
Усе навіны

Рэйтынгавым агенцтвам у Беларусі будзе забаронена аказваць кансультацыйныя паслугі

Грамадства 13.09.2019 | 17:28
Фота з архіва
Фота з архіва

13 верасня, Мінск /Кар. БЕЛТА/. Палажэнне аб парадку арганізацыі і ажыццяўлення рэйтынгавай дзейнасці зацверджана пастановай Нацыянальнага банка ад 12 жніўня 2019 года нумар 325, паведамляе БЕЛТА са спасылкай на Нацыянальны прававы інтэрнэт-партал.

Палажэннем вызначаны прававыя асновы рэйтынгавай дзейнасці і дзейнасці рэйтынгавых агенцтваў у Беларусі. У тым ліку ўстаноўлены патрабаванні для ўключэння ў рэестр рэйтынгавых агенцтваў, патрабаванні да органаў кіравання і кантрольнага органа рэйтынгавага агенцтва, раскрыцця інфармацыі, захаванасці і абароны інфармацыі, атрыманай у працэсе дзейнасці рэйтынгавага агенцтва.

Згодна з палажэннем, рэйтынгавае агенцтва ствараецца ў форме гаспадарчага таварыства. Яно аказвае як паслугі, звязаныя з крэдытнымі рэйтынгамі, так і дадатковыя паслугі (па складанні прагнозаў кан'юнктуры на розных сегментах рынку, ацэнцы дзейнасці арганізацый, ацэнцы і аналізе эканамічных тэндэнцый, даследчыя паслугі па патрабаванні кліентаў і інш.).

Разам з тым з рэйтынгаваму агенцтву забаронена аказваць кансультацыйныя паслугі, а таксама сумяшчаць рэйтынгавую дзейнасць на тэрыторыі Беларусі з іншымі відамі прадпрымальніцкай дзейнасці.

На афіцыйным сайце Нацыянальнага банка будуць размешчаны нарматыўныя прававыя акты аб рэйтынгавай дзейнасці, інфармацыя з рэестра рэйтынгавых агенцтваў, спасылкі на афіцыйныя сайты рэйтынгавых агенцтваў у інтэрнэце.

Пастанова ўступае ў сілу з 1 студзеня 2020 года.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.