Юрый Шулейка і Раман Галоўчанка
28 чэрвеня, Мінск /Кар. БЕЛТА/. Прэм'ер-міністр Беларусі Раман Галоўчанка прадставіў новага намесніка прэм'ер-міністра Юрыя Шулейку калектыву Апарату Савета Міністраў, перадае карэспандэнт БЕЛТА.
Ён пажадаў Юрыю Шулейку вялікіх поспехаў на новай пасадзе віцэ-прэм'ера. "Вы не па чутках ведаеце, што перад галіной АПК стаяць вельмі сур'ёзныя задачы. Нямала поспехаў, але нямала і праблемных пытанняў. Прэзідэнтам пастаўлена задача сур'ёзнага росту ў АПК - па дабаўленай вартасці, экспарце. Трэба дасягнуць адзнакі не ніжэйшай за $9 млрд экспарту. Неабходна шукаць і прыцягваць у краіну новыя тэхналогіі, развіваць новыя віды вытворчасці", - падкрэсліў прэм'ер-міністр.
Юрый Шулейка ў размове з журналістамі адзначыў, што аграрная галіна мае вялікае значэнне для беларускай эканомікі. У краіне прыняты праграмы, нацэленыя на падтрымку гэтай галіны, што сведчыць аб яе прыярытэтнасці. У сваёй рабоце віцэ-прэм'ер будзе ўдзяляць асаблівую ўвагу сельскай гаспадарцы і перапрацоўцы сельгаспрадукцыі, развіццю экспарту, але і іншыя напрамкі не застануцца без увагі.
"Мы рады вас вітаць у нашым калектыве. Напрамак у вас вельмі сур'ёзны - гэта перш за ўсё пытанні аграпрамысловага комплексу, навуковай, навукова-тэхнічнай, інавацыйнай дзейнасці, развіцця мінеральна-сыравіннай базы, экалогіі, прыродных рэсурсаў, аховы навакольнага асяроддзя. Таксама ў ваша кола абавязкаў уваходзіць узаемадзеянне з такімі буйнейшымі рэспубліканскімі аб'яднаннямі, як Белкаапсаюз, Беларускае таварыства паляўнічых і рыбаловаў. Таму фронт работ вельмі шырокі, рознабаковы. Але вам гэта не ўпершыню, вы прайшлі ўжо слаўны працоўны шлях, працавалі на многіх напрамках, як у сферы дзяржаўнага кіравання, так і на вытворчасці. У вытворчай сферы вы прайшлі шлях ад майстра да кіраўніка абласнога аб'яднання "Гроднамясамалпрам", у вертыкалі ўлады папрацавалі на розных пасадах, у тым ліку намеснікам старшыні Гродзенскага аблвыканкама і ў апошні час працавалі даволі паспяхова на пасадзе старшыні Брэсцкага аблвыканкама", - сказаў Раман Галоўчанка.
Юрый Шулейка ў размове з журналістамі адзначыў, што аграрная галіна мае вялікае значэнне для беларускай эканомікі. У краіне прыняты праграмы, нацэленыя на падтрымку гэтай галіны, што сведчыць аб яе прыярытэтнасці. У сваёй рабоце віцэ-прэм'ер будзе ўдзяляць асаблівую ўвагу сельскай гаспадарцы і перапрацоўцы сельгаспрадукцыі, развіццю экспарту, але і іншыя напрамкі не застануцца без увагі.
Таксама Юрый Шулейка паведаміў, што прадоўжыць у нейкай меры курыраваць Брэсцкую вобласць, асабліва да назначэння старшыні аблвыканкама.-0-
Фота Сяргея Шэлега
Падпісвайцеся на нас у
