10 красавіка, Мінск /Кар. БЕЛТА/. Перад заходнімі карпарацыямі стаіць задача - разбурэнне суверэнных дзяржаў, заявіў палітолаг, аналітык Беларускага інстытута стратэгічных даследаванняў Аляксей Аўдонін у праекце БЕЛТА "Краіна гаворыць" на тэму "Пасланне Прэзідэнта Беларусі Аляксандра Лукашэнкі беларускаму народу і Нацыянальнаму сходу".
"У кастрычніку 2019 года вядомая карпарацыя RAND апублікавала справаздачу аб тым, як у бліжэйшыя 15 гадоў да 2035 года буйным карпарацыям трэба змагацца з суверэннымі дзяржавамі. І яны зрабілі табліцу - унізе - трэба разбураць эканамічны базіс праз санкцыйны націск любымі спосабамі, праз націск на фінансавыя транзакцыі, на работу прадпрыемстваў. Знішчыўшы эканамічны базіс - вы лёгка знішчаеце сацыяльную палітыку. Гэта значыць натуральнае напаўненне бюджэту не ажыццяўляецца, прадпрыемствы, юрыдычныя асобы, фізічныя асобы не ўносяць сваю лепту ў дзяржбюджэт. Зразумела, дзяржава не можа выконваць свае абавязацельствы ні перад урачамі, ні перад ваеннымі, ні перад педагогамі, сілавымі структурамі, і плаўна пасля гэтага пачынаецца разварушванне праз інфармацыйныя кампаніі насельніцтва. Улада пачынае ў той ці іншай суверэннай дзяржаве страчваць руль кіравання, палітычная сістэма пачынае разбурацца", - адзначыў Аляксей Аўдонін.
Паводле яго, галоўны складнік усяго гэтага - ідэалогія. "Вось яны кажуць: трэба разбурыць у першую чаргу ідэалогію. Але гэта ў нас тэрмін ідэалогія, але яны трактуюць гэта як камунікацыйныя сувязі. Гэта значыць тое, што звязвае нас адзін з адным, - нас як персаналіі, як ведамствы, як рэгіёны, як суб'ектаў міжнародных адносін з іншымі краінамі. І як толькі гэта пачынае разбурацца - усё, дзяржава фактычна пераходзіць у стан хаосу і становіцца лёгкай ахвярай для карпарацый, - падкрэсліў аналітык. - Вось гэту схему яны прапісалі, што для карпарацый цяпер стаіць першачарговай задачай - разбурэнне суверэнных дзяржаў. Чаму? Таму што, калі карпарацыя прыходзіць на любы рынак, што дзяржава патрабуе? Заплаціце падаткі, выконвайце заканадаўства, вядзіце строгую палітыку сацыяльную, не лезьце ў палітыку. Займаецеся бізнесам - значыць, бізнесам займайцеся. Не падтрымлівайце розныя дэструктыўныя сілы".
"Паглядзіце, колькі дзяржаў яны ўжо разбурылі, - дапоўніў Аляксей Аўдонін. - З іх боку гэта схема працуе вельмі моцна. І трэба прызнаць, што Беларусь якраз за вось гэтыя 2 гады - з 2020-га па 2022-і фактычна паказала ўнікальныя мадэлі кіравання, якія дазволілі пазбегнуць гэтага сцэнарыя, што для нас яны намалявалі".-0-
Праект створаны за кошт сродкаў мэтавага збору на вытворчасць нацыянальнага кантэнту.
