30 ліпеня, Мінск /Кар. БЕЛТА/. Дзяржаўны сакратар Савета бяспекі Андрэй Раўкоў сустрэўся сёння ў ЦВК з кандыдатамі ў прэзідэнты і даверанымі асобамі і папярэдзіў іх аб пагрозах бяспецы людзей у час агітацыйных мерапрыемстваў. Такая інфармацыя размешчана на сайце Цэнтрвыбаркама.
"Андрэй Раўкоў праінфармаваў прысутных аб існуючых пагрозах бяспецы грамадзян у час агітацыйных мерапрыемстваў, якія праводзяцца кандыдатамі ў Прэзідэнты Беларусі і іх даверанымі асобамі. Ён таксама паведаміў, што ў далейшым пры правядзенні такіх мерапрыемстваў праваахоўнымі органамі будуць прымацца меры па арганізацыі бяспекі іх удзельнікаў, устаноўленыя ў нашай краіне пры правядзенні масавых мерапрыемстваў", - гаворыцца ў паведамленні ЦВК.-0-