26 ліпеня, Брэст /Кар. БЕЛТА/. У Брэсце 26 ліпеня стартавалі міжнародныя спаборніцтвы мацнейшых пажарных-ратавальнікаў "Брэсцкі рубеж", перадае карэспандэнт БЕЛТА.
За званне самых моцных і спрытных змагаюцца каля 80 прадстаўнікоў з 11 каманд - Мінска і шасці абласцей Беларусі, рэспубліканскага атрада спецыяльнага прызначэння "ЗУБР", Універсітэта грамадзянскай абароны МНС, з Расіі (Санкт-Пецярбург) і Кыргызстана.
"Правядзенне гэтых спаборніцтваў стала добрай традыцыяй для нашых ратавальнікаў, і геаграфія пашыраецца. Прысутнічаюць калегі з Расіі і Кыргызстана. Гэта праверка прафесіяналізму нашых хлопцаў і дзяўчат, якія штодзень ратуюць чалавечыя жыцці", - падкрэсліў першы намеснік міністра па надзвычайных сітуацыях Аляксандр Худалееў.
Для спаборніцтваў падабраны элементы, якія работнікі МНС выкарыстоўваюць у сваіх трэніроўках. Удзельнікам трэба будзе пераадолець этапы "Пад'ём на вежу", "Пад'ём рукава", "Сілавы трэнажор", "Пракладка лініі" і "Выратаванне пацярпелага". Індывідуальныя забегі сярод мужчын і жанчын пройдуць 26 ліпеня, на наступны дзень - камандная эстафета, забегі тандэмаў сярод мужчын, забегі тандэмаў-мікст (сярод мужчын і жанчын).
"Нам, вядома, важна падтрымка гледачоў. Мы ў паўсядзённай дзейнасці не адчуваем такога. Думаю, для ўдзельнікаў гэта будзе праяўленнем удзячнасці за іх працу", - сказаў Аляксандр Худалееў.
Для гледачоў "Брэсцкага рубяжа" падрыхтавалі цікавую забаўляльную праграму. На набярэжнай Мухаўца працуюць інтэрактыўныя пляцоўкі, публіку забаўляюць артысты. Увечары работнікі МНС арганізуюць яркую дэманстрацыю сваіх сіл і магчымасцей.
Міжнародныя спаборніцтвы сярод пажарных-ратавальнікаў прымеркаваны да святкавання 80-гадовай гадавіны вызвалення Беларусі ад нямецка-фашысцкіх захопнікаў і Дня пажарнай службы.-0-
За званне самых моцных і спрытных змагаюцца каля 80 прадстаўнікоў з 11 каманд - Мінска і шасці абласцей Беларусі, рэспубліканскага атрада спецыяльнага прызначэння "ЗУБР", Універсітэта грамадзянскай абароны МНС, з Расіі (Санкт-Пецярбург) і Кыргызстана.
"Правядзенне гэтых спаборніцтваў стала добрай традыцыяй для нашых ратавальнікаў, і геаграфія пашыраецца. Прысутнічаюць калегі з Расіі і Кыргызстана. Гэта праверка прафесіяналізму нашых хлопцаў і дзяўчат, якія штодзень ратуюць чалавечыя жыцці", - падкрэсліў першы намеснік міністра па надзвычайных сітуацыях Аляксандр Худалееў.
Для спаборніцтваў падабраны элементы, якія работнікі МНС выкарыстоўваюць у сваіх трэніроўках. Удзельнікам трэба будзе пераадолець этапы "Пад'ём на вежу", "Пад'ём рукава", "Сілавы трэнажор", "Пракладка лініі" і "Выратаванне пацярпелага". Індывідуальныя забегі сярод мужчын і жанчын пройдуць 26 ліпеня, на наступны дзень - камандная эстафета, забегі тандэмаў сярод мужчын, забегі тандэмаў-мікст (сярод мужчын і жанчын).
"Нам, вядома, важна падтрымка гледачоў. Мы ў паўсядзённай дзейнасці не адчуваем такога. Думаю, для ўдзельнікаў гэта будзе праяўленнем удзячнасці за іх працу", - сказаў Аляксандр Худалееў.
Для гледачоў "Брэсцкага рубяжа" падрыхтавалі цікавую забаўляльную праграму. На набярэжнай Мухаўца працуюць інтэрактыўныя пляцоўкі, публіку забаўляюць артысты. Увечары работнікі МНС арганізуюць яркую дэманстрацыю сваіх сіл і магчымасцей.
Міжнародныя спаборніцтвы сярод пажарных-ратавальнікаў прымеркаваны да святкавання 80-гадовай гадавіны вызвалення Беларусі ад нямецка-фашысцкіх захопнікаў і Дня пажарнай службы.-0-
Падпісвайцеся на нас у
