Сцяг Аўторак, 19 сакавіка 2024
Усе навіны
Усе навіны
Грамадства
30 верасня 2022, 14:57

Ратавальнікі Гомельскай вобласці прапануюць напісаць "Дыктант бяспекі"

30 верасня, Гомель /Кар. БЕЛТА/. Ратавальнікі Гомельскай вобласці прапануюць напісаць "Дыктант бяспекі", паведамілі БЕЛТА ў Гомельскім абласным упраўленні МНС.

Такі фармат прафілактыкі НС паспрабавалі спачатку ў Рэчыцкім РАНС. Так, ратавальнікі пагутарылі з людзьмі ў пунктах прыёму другаснай сыравіны. Галоўная тэма гутаркі - папярэджанне пажараў па прычыне неасцярожнага абыходжання з агнём пры курэнні.

Інспектары прапаганды расказалі аб нядаўнім надзвычайным здарэнні ў адной з кватэр райцэнтра, дзе пры пажары ўдалося выратаваць пенсіянера. Нагадалі таксама правілы бяспекі, некаторыя з іх прапанавалі запісаць. "Многім людзям так прасцей запамінаецца. Нам важна, каб інфармацыя выразна адклалася ў іх памяці. Скарысталіся і візуальнай тэхнікай - прадэманстравалі фільм "Ахвяры згубнай прывычкі" ад МНС", - расказалі ў абласным упраўленні.

Таксама акцэнтавалі ўвагу на адным з асноўных гарантаў бяспекі жылля - аўтаномным пажарным апавяшчальніку. "Прыемна было пачуць, што пасля папярэдніх размоў з работнікамі службы выратавання некаторыя грамадзяне ўжо ўстанавілі апавяшчальнікі дома. Астатнія паабяцалі выправіцца. Мы прадоўжым прафілактычную работу", - падкрэслілі ва УМНС.

Таксама такі фармат практыкуюць у Жлобінскім раёне. Плануецца, што вопыт будзе прадоўжаны і ў іншых раёнах.-0-

Падпісвайцеся на нас у
Twitter
Топ-навіны
Свежыя навіны Беларусі