23 сакавіка, Масква /Эдуард Півавар - БЕЛТА/. Пастанова ўрада Расіі ад 20 сакавіка дазваляе толькі транзіт грамадзян Беларусі іншых дзяржаў СНД праз тэрыторыю РФ. Уезд у Расію грамадзян Беларусі, не маючых расійскага пасведчання на права жыхарства, для знаходжання на тэрыторыі РФ па-ранейшаму забаронены, заявілі карэспандэнту БЕЛТА ў прэс-службе пасольства Беларусі ў Расіі.
"Калі ўважліва прачытаць пастанову ўрада Расіі да канца, там зразумела, што размова ідзе толькі пра дазвол транзіту беларускіх грамадзян, якія вяртаюцца дадому ў Беларусь з трэціх краін, - сказалі ў прэс-службе. - Аб аднаўленні ўезду ў Расію грамадзян Беларусі, не маючых пасведчання на права жыхарства ў РФ, для знаходжання на яе тэрыторыі размова пакуль не ідзе".
Сёння на расійскім афіцыйным інтэрнэт-партале прававой інфармацыі апублікавана распараджэнне ўрада Расіі ад 20 сакавіка нумар 685-р, якім унесены некаторыя дапаўненні ў ранейшае распараджэнне ад 16 сакавiка нумар 635-р. У ім, у прыватнасці, гаворыцца, што палажэнне пункта 1 распараджэння нумар 635-р "не прымяняць у дачыненні да грамадзян дзяржаў - удзельніц Садружнасці Незалежных Дзяржаў, якія прыбываюць у Расійскую Федэрацыю праз паветраныя пункты пропуску і выбываюць у дзяржавы свайго грамадзянства праз паветраныя пункты пропуску і іншыя пункты пропуску пры перамяшчэнні ў дзяржавы свайго грамадзянства іншымі відамі транспарту. ФСБ Расіі - забяспечыць пропуск праз дзяржаўную граніцу названых грамадзян".
У распараджэнні таксама гаворыцца, што МЗС Расіі павінна забяспечыць неабходнае ўзаемадзеянне з дыппрадстаўніцтвамі адпаведных дзяржаў, а Расспажыўнагляд - санітарны кантроль. МУС Расіі даручана ў выпадку неабходнасці забяспечваць суправаджэнне аўтамабілямі ДАІ да граніцы асоб, якія рухаюцца да граніцы на аўтамабільным транспарце.
У адпаведнасці з распараджэннем нумар 635-р ад 16 сакавiка 2020 года на фоне распаўсюджвання каранавіруса была ўведзена часовая забарона на ўезд у Расію з 18 сакавіка па 1 мая, у тым ліку для грамадзян Беларусі і іншых краін СНД.-0-