19 верасня, Мінск /Кар. БЕЛТА/. АТ "У/А "Ізатоп" (уваходзіць у дывізіён "Тэхналогіі здароўя") паставіла першую партыю генератараў тэхнецыю-99m ГТ-5К для медыцынскіх устаноў Беларусі. Пастаўка ажыццёўлена ў рамках кантракта, заключанага па выніках міжнароднага тэндара РУП "Белфармацыя" ў 2023 годзе, паведамілі БЕЛТА ў прэс-службе АТ "У/А "Ізатоп".
Генератары тэхнецыю-99m выкарыстоўваюцца для правядзення дыягнастычных працэдур пры анкалагічных, кардыялагічных, нейраэндакрынных і іншых захворваннях. Тэхнецый-99m - найбольш запатрабаваны ізатоп у ядзернай медыцыне, на яго аснове праводзіцца больш за 80 працэнтаў працэдур на АФЭКТ (аднафатонная эмісійная камп'ютарная тамаграфія).
"АТ "У/А "Ізатоп" своечасова і ў поўным аб'ёме выконвае свае абавязацельствы па кантракце на пастаўку генератараў тэхнецыю-99m ГТ-5К у Рэспубліку Беларусь", - адзначыў генеральны дырэктар Максім Кушнароў.
У адпаведнасці з заключаным кантрактам прадпрыемства паставіць у Беларусь больш за 900 генератараў тэхнецыю-99M ГТ-5К рознай актыўнасці вытворчасці. Такім чынам, "Расатам" на 100 працэнтаў забяспечыць гадавую патрэбнасць медыцынскіх устаноў Беларусі ў такіх генератарах.-0-
