4 чэрвеня, Мінск /Кар. БЕЛТА/. Беларусь падтрымлівае намаганні па стварэнні шматузроўневай разліковай сістэмы краін БРІКС, заявіў старшыня Пастаяннай камісіі па міжнародных справах Палаты прадстаўнікоў Сяргей Рачкоў на палях XI Парламенцкага форуму БРІКС у Бразіліа, паведамляе БЕЛТА.
"Ва ўмовах глабальнай эканамічнай турбулентнасці і ўсё большых рызык фрагментацыі міжнароднай фінансавай сістэмы краіны БРІКС дэманструюць гістарычную рашучасць у стварэнні незалежных механізмаў эканамічнага ўзаемадзеяння. Апошнія ініцыятывы арганізацыі дакладна акрэслілі курс на пабудову шматпалярнай фінансавай архітэктуры, заснаванай на суверэнітэце, узаемным даверы і тэхналагічнай незалежнасці, - сказаў Сяргей Рачкоў. - Краіны БРІКС дэманструюць высокую гатоўнасць да паглыблення супрацоўніцтва ў плацежнай сферы, сканцэнтраваўшыся на трох ключавых напрамках: пашырэнні разлікаў у нацыянальных валютах, гарманізацыі фінансавых рынкаў і забеспячэнні кібербяспекі плацежных сістэм".
Гэтыя ініцыятывы пераходзяць ужо ў практычную плоскасць. "Двухбаковыя пагадненні аб узаемаразліках, распрацоўка агульных стандартаў і стварэнне абароненай фінансавай інфраструктуры становяцца асновай для пабудовы суверэннай эканамічнай архітэктуры. Сумесныя рашэнні, прынятыя лідарамі краін БРІКС у 2023-2024 гадах, азначаюць пачатак новай эпохі ў міжнародных разліках. Мы назіраем прынцыповы адыход ад ранейшай парадыгмы, дзе долар і еўра выступалі безальтэрнатыўнымі валютамі ва ўзаемным гандлі. За апошнія гады адбыліся якасныя змяненні: доля ўзаемаразлікаў у нацыянальных валютах паміж краінамі - удзельніцамі БРІКС склала ў 2024 годзе больш за 60 працэнтаў, - падкрэсліў ён. - Гэтыя змяненні маюць не тэхнічны, а стратэгічны характар. Яны адлюстроўваюць агульную прыхільнасць краін БРІКС пабудове сапраўднага эканамічнага суверэнітэту і стварэнню ўстойлівай да знешніх выклікаў фінансавай сістэмы. Пераход на нацыянальныя валюты - гэта важны крок да фарміравання справядлівай шматпалярнай эканамічнай архітэктуры, дзе рашэнні прымаюцца зыходзячы з інтарэсаў усіх удзельнікаў".
Такі падыход ужо сёння дэманструе сваю эфектыўнасць, зніжаючы залежнасць эканомік рэгіёна БРІКС ад знешніх ваганняў і ствараючы аснову для доўгатэрміновага ўстойлівага развіцця ўсёй арганізацыі, адзначыў парламентарый.
"Акрамя таго, мы бачым значныя поспехі ў стварэнні незалежнай фінансавай інфраструктуры. Ключавымі дасягненнямі ў гэтым напрамку сталі распрацоўка плацежнай сістэмы BRICS Pay на блокчэйн-тэхналогіях, укараненне лічбавых валют цэнтральных банкаў для трансгранічных разлікаў, а таксама прапрацоўка механізмаў прывязкі разліковых адзінак да карзіны таварных актываў. Гэтыя рашэнні фарміруюць аснову для ўстойлівай альтэрнатывы існуючым міжнародным плацежным сістэмам. Рэспубліка Беларусь, якая валодае значным вопытам у сферы фінансавых тэхналогій, гатова ўнесці свой уклад у развіццё гэтых праектаў. Мы асабліва падтрымліваем намаганні па стварэнні шматузроўневай разліковай сістэмы, якая спалучае інавацыйныя плацежныя інструменты з надзейнымі механізмамі забеспячэння. Такі комплексны падыход дае магчымасць краінам БРІКС умацоўваць фінансавы суверэнітэт і зніжаць залежнасць ад знешніх фактараў, што адпавядае стратэгічным інтарэсам усіх удзельнікаў арганізацыі".
Найважнейшым элементам фінансавай архітэктуры БРІКС выступае Новы банк развіцця - міжнародны фінансавы інстытут, які ўжо даказаў сваю эфектыўнасць як інструмент рэалізацыі маштабных інфраструктурных праектаў, праграм тэхналагічнай мадэрнізацыі і пераходу да зялёнай энергетыкі, дапоўніў Сяргей Рачкоў. "Хачу асабліва адзначыць прынцыпова важны падыход банка да ажыццяўлення крэдытавання ў нацыянальных валютах краін-пазычальніц. Гэта практыка не толькі зніжае валютныя рызыкі для ўдзельнікаў праектаў, але і служыць пераканаўчым доказам паслядоўнай работы БРІКС па пабудове ўстойлівай фінансавай сістэмы. Мы разглядаем такую мадэль як узор для развіцця ўсяго спектра фінансавага супрацоўніцтва ў рамках БРІКС", - дадаў ён.
На палях XI Парламенцкага форуму БРІКС у Бразіліа старшыня Пастаяннай камісіі Палаты прадстаўнікоў па міжнародных справах Сяргей Рачкоў правёў двухбаковыя перагаворы з дэлегацыямі Бразіліі і Ірана.
Са старшынёй камісіі па міжнародных справах Палаты дэпутатаў Нацыянальнага кангрэса Бразіліі Філіпэ Барасам абмеркаваны пытанні актывізацыі міжпарламенцкага ўзаемадзеяння па ўсім спектры двухбаковага парадку дня, у тым ліку супрацоўніцтва ў гандлёва-эканамічнай і сацыяльна-гуманітарнай сферах (адукацыя і ахова здароўя). Асобна ўвага ўдзелена пашырэнню кантактаў на міжнародных пляцоўках, стварэнню ў парламентах абедзвюх краін партнёрскіх структур, а таксама актуалізацыі і пашырэнню дагаворна-прававой базы. Дасягнута папярэдняя дамоўленасць аб візіце групы бразільскіх парламентарыяў у нашу краіну для прапрацоўкі практычных напрамкаў узаемадзеяння.
"Нягледзячы на вялікія адлегласці паміж нашымі краінамі, у нас шмат агульнага і ўзаемных інтарэсаў для абмеркавання", - адзначыў Філіпэ Барас.
З членам Прэзідыума Парламента Ісламскай Рэспублікі Іран Ахмадам Надзеры абмеркаваны шэраг крокаў па далейшым пашырэнні ўзаемадзеяння ў палітычнай і эканамічнай сферах, уключаючы падрыхтоўку ў бліжэйшы час двухбаковых візітаў на высокім узроўні і рэалізацыю мерапрыемстваў па лініі парламенцкіх груп дружбы.
Ахмад Надзеры падкрэсліў, што палітычныя адносіны Беларусі і Ірана вызначае высокі ўзровень даверу і ўзаемаразумення. "Апошнім часам значна актывізаваўся двухбаковы парламенцкі дыялог, які надае імпульс рэалізацыі міждзяржаўных дамоўленасцей", - сказаў ён.
Акрамя таго, Сяргей Рачкоў выступіў на палях форуму на рабочай секцыі "Садзейнічанне інвестыцыям і перадачы тэхналогій у інтарэсах устойлівага развіцця". "Рэспубліка Беларусь, з'яўляючыся актыўным удзельнікам міжнародных эканамічных ініцыятыў, гатова прапанаваць партнёрам па БРІКС комплексную сістэму падтрымкі інвестыцый і перадачы тэхналогій. Наша краіна спалучае прамысловы патэнцыял, развіты аграрны сектар і моцную навуковую базу, што робіць яе надзейным партнёрам для сумесных праектаў. У Рэспубліцы Беларусь дзейнічаюць спецыяльныя эканамічныя рэжымы ў падтрымку прамысловай кааперацыі і інвестыцый. Гэта шэсць свабодных эканамічных зон, якія прапануюць інвестарам падатковыя льготы, у тым ліку вызваленне ад падатку на прыбытак, ПДВ і падатку на нерухомую маёмасць - гэтыя прэферэнцыі захоўваюць сваю сілу аж да 2050 года", - сказаў Сяргей Рачкоў.
Асаблівай увагі заслугоўвае індустрыяльны парк "Вялікі камень", створаны сумесна з кітайскімі партнёрамі. Гэты маштабны праект прадугледжвае эксклюзіўныя ўмовы для вядзення бізнесу: дзесяцігадовыя падатковыя канікулы па ключавых плацяжах з магчымасцю іх пралангацыі. У 2024 годзе комплексна абноўлены закон аб інвестыцыях, які прапануе шырокі спектр інструментаў абароны інтарэсаў і падтрымкі інвестараў. Парк высокіх тэхналогій прапануе ўдзельнікам ільготнае падаткаабкладанне па стаўцы ўсяго 10 працэнтаў і ўнікальны прынцып экстэрытарыяльнасці.
"Геапалітычнае становішча Беларусі як натуральнага транспартнага вузла Еўразіі адкрывае шырокія перспектывы для супрацоўніцтва ў сферы лагістыкі. Наша краіна гатова стаць платформай для стварэння сучасных лагістычных хабаў, дзе перадавыя тэхналогіі, уключаючы блокчэйн і інтэрнэт рэчаў, будуць прымяняцца для пабудовы празрыстых і эфектыўных ланцужкоў паставак. Гэта не проста інфраструктурныя праекты - гэта новыя стандарты міжнароднага гандлю, - падкрэсліў парламентарый. - Не менш важным напрамкам з'яўляецца развіццё кадравага патэнцыялу. Беларусь прапануе комплексныя праграмы прафесійнага абмену і сумесныя адукацыйныя ініцыятывы з вядучымі ВНУ краіны. Мы гатовы дзяліцца сваім вопытам падрыхтоўкі высокакваліфікаваных спецыялістаў для высокатэхналагічных галін, што асабліва актуальна ў эпоху лічбавай трансфармацыі эканомік".
У эпоху глабальных трансфармацый, калі традыцыйныя эканамічныя сувязі пераглядаюцца, менавіта шматбаковыя фарматы супрацоўніцтва, такія як БРІКС, набываюць асаблівую значнасць, канстатаваў Сяргей Рачкоў. "Беларусь гатова выступіць надзейным сувязным звяном у гэтай архітэктуры супрацоўніцтва, - дапоўніў ён. - Наша краіна прапануе партнёрам не проста спрыяльныя ўмовы для вядзення бізнесу, а комплексную сістэму ўзаемадзеяння, якая ўключае празрыстую прававую базу, правераную часам, спецыяльныя эканамічныя рэжымы, адаптаваныя пад патрэбнасці міжнародных інвестараў, і развітую інфраструктуру для трансферу тэхналогій".-0-
"Ва ўмовах глабальнай эканамічнай турбулентнасці і ўсё большых рызык фрагментацыі міжнароднай фінансавай сістэмы краіны БРІКС дэманструюць гістарычную рашучасць у стварэнні незалежных механізмаў эканамічнага ўзаемадзеяння. Апошнія ініцыятывы арганізацыі дакладна акрэслілі курс на пабудову шматпалярнай фінансавай архітэктуры, заснаванай на суверэнітэце, узаемным даверы і тэхналагічнай незалежнасці, - сказаў Сяргей Рачкоў. - Краіны БРІКС дэманструюць высокую гатоўнасць да паглыблення супрацоўніцтва ў плацежнай сферы, сканцэнтраваўшыся на трох ключавых напрамках: пашырэнні разлікаў у нацыянальных валютах, гарманізацыі фінансавых рынкаў і забеспячэнні кібербяспекі плацежных сістэм".
Гэтыя ініцыятывы пераходзяць ужо ў практычную плоскасць. "Двухбаковыя пагадненні аб узаемаразліках, распрацоўка агульных стандартаў і стварэнне абароненай фінансавай інфраструктуры становяцца асновай для пабудовы суверэннай эканамічнай архітэктуры. Сумесныя рашэнні, прынятыя лідарамі краін БРІКС у 2023-2024 гадах, азначаюць пачатак новай эпохі ў міжнародных разліках. Мы назіраем прынцыповы адыход ад ранейшай парадыгмы, дзе долар і еўра выступалі безальтэрнатыўнымі валютамі ва ўзаемным гандлі. За апошнія гады адбыліся якасныя змяненні: доля ўзаемаразлікаў у нацыянальных валютах паміж краінамі - удзельніцамі БРІКС склала ў 2024 годзе больш за 60 працэнтаў, - падкрэсліў ён. - Гэтыя змяненні маюць не тэхнічны, а стратэгічны характар. Яны адлюстроўваюць агульную прыхільнасць краін БРІКС пабудове сапраўднага эканамічнага суверэнітэту і стварэнню ўстойлівай да знешніх выклікаў фінансавай сістэмы. Пераход на нацыянальныя валюты - гэта важны крок да фарміравання справядлівай шматпалярнай эканамічнай архітэктуры, дзе рашэнні прымаюцца зыходзячы з інтарэсаў усіх удзельнікаў".
Такі падыход ужо сёння дэманструе сваю эфектыўнасць, зніжаючы залежнасць эканомік рэгіёна БРІКС ад знешніх ваганняў і ствараючы аснову для доўгатэрміновага ўстойлівага развіцця ўсёй арганізацыі, адзначыў парламентарый.
"Акрамя таго, мы бачым значныя поспехі ў стварэнні незалежнай фінансавай інфраструктуры. Ключавымі дасягненнямі ў гэтым напрамку сталі распрацоўка плацежнай сістэмы BRICS Pay на блокчэйн-тэхналогіях, укараненне лічбавых валют цэнтральных банкаў для трансгранічных разлікаў, а таксама прапрацоўка механізмаў прывязкі разліковых адзінак да карзіны таварных актываў. Гэтыя рашэнні фарміруюць аснову для ўстойлівай альтэрнатывы існуючым міжнародным плацежным сістэмам. Рэспубліка Беларусь, якая валодае значным вопытам у сферы фінансавых тэхналогій, гатова ўнесці свой уклад у развіццё гэтых праектаў. Мы асабліва падтрымліваем намаганні па стварэнні шматузроўневай разліковай сістэмы, якая спалучае інавацыйныя плацежныя інструменты з надзейнымі механізмамі забеспячэння. Такі комплексны падыход дае магчымасць краінам БРІКС умацоўваць фінансавы суверэнітэт і зніжаць залежнасць ад знешніх фактараў, што адпавядае стратэгічным інтарэсам усіх удзельнікаў арганізацыі".
Найважнейшым элементам фінансавай архітэктуры БРІКС выступае Новы банк развіцця - міжнародны фінансавы інстытут, які ўжо даказаў сваю эфектыўнасць як інструмент рэалізацыі маштабных інфраструктурных праектаў, праграм тэхналагічнай мадэрнізацыі і пераходу да зялёнай энергетыкі, дапоўніў Сяргей Рачкоў. "Хачу асабліва адзначыць прынцыпова важны падыход банка да ажыццяўлення крэдытавання ў нацыянальных валютах краін-пазычальніц. Гэта практыка не толькі зніжае валютныя рызыкі для ўдзельнікаў праектаў, але і служыць пераканаўчым доказам паслядоўнай работы БРІКС па пабудове ўстойлівай фінансавай сістэмы. Мы разглядаем такую мадэль як узор для развіцця ўсяго спектра фінансавага супрацоўніцтва ў рамках БРІКС", - дадаў ён.
На палях XI Парламенцкага форуму БРІКС у Бразіліа старшыня Пастаяннай камісіі Палаты прадстаўнікоў па міжнародных справах Сяргей Рачкоў правёў двухбаковыя перагаворы з дэлегацыямі Бразіліі і Ірана.
Са старшынёй камісіі па міжнародных справах Палаты дэпутатаў Нацыянальнага кангрэса Бразіліі Філіпэ Барасам абмеркаваны пытанні актывізацыі міжпарламенцкага ўзаемадзеяння па ўсім спектры двухбаковага парадку дня, у тым ліку супрацоўніцтва ў гандлёва-эканамічнай і сацыяльна-гуманітарнай сферах (адукацыя і ахова здароўя). Асобна ўвага ўдзелена пашырэнню кантактаў на міжнародных пляцоўках, стварэнню ў парламентах абедзвюх краін партнёрскіх структур, а таксама актуалізацыі і пашырэнню дагаворна-прававой базы. Дасягнута папярэдняя дамоўленасць аб візіце групы бразільскіх парламентарыяў у нашу краіну для прапрацоўкі практычных напрамкаў узаемадзеяння.
"Нягледзячы на вялікія адлегласці паміж нашымі краінамі, у нас шмат агульнага і ўзаемных інтарэсаў для абмеркавання", - адзначыў Філіпэ Барас.
З членам Прэзідыума Парламента Ісламскай Рэспублікі Іран Ахмадам Надзеры абмеркаваны шэраг крокаў па далейшым пашырэнні ўзаемадзеяння ў палітычнай і эканамічнай сферах, уключаючы падрыхтоўку ў бліжэйшы час двухбаковых візітаў на высокім узроўні і рэалізацыю мерапрыемстваў па лініі парламенцкіх груп дружбы.
Ахмад Надзеры падкрэсліў, што палітычныя адносіны Беларусі і Ірана вызначае высокі ўзровень даверу і ўзаемаразумення. "Апошнім часам значна актывізаваўся двухбаковы парламенцкі дыялог, які надае імпульс рэалізацыі міждзяржаўных дамоўленасцей", - сказаў ён.
Акрамя таго, Сяргей Рачкоў выступіў на палях форуму на рабочай секцыі "Садзейнічанне інвестыцыям і перадачы тэхналогій у інтарэсах устойлівага развіцця". "Рэспубліка Беларусь, з'яўляючыся актыўным удзельнікам міжнародных эканамічных ініцыятыў, гатова прапанаваць партнёрам па БРІКС комплексную сістэму падтрымкі інвестыцый і перадачы тэхналогій. Наша краіна спалучае прамысловы патэнцыял, развіты аграрны сектар і моцную навуковую базу, што робіць яе надзейным партнёрам для сумесных праектаў. У Рэспубліцы Беларусь дзейнічаюць спецыяльныя эканамічныя рэжымы ў падтрымку прамысловай кааперацыі і інвестыцый. Гэта шэсць свабодных эканамічных зон, якія прапануюць інвестарам падатковыя льготы, у тым ліку вызваленне ад падатку на прыбытак, ПДВ і падатку на нерухомую маёмасць - гэтыя прэферэнцыі захоўваюць сваю сілу аж да 2050 года", - сказаў Сяргей Рачкоў.
Асаблівай увагі заслугоўвае індустрыяльны парк "Вялікі камень", створаны сумесна з кітайскімі партнёрамі. Гэты маштабны праект прадугледжвае эксклюзіўныя ўмовы для вядзення бізнесу: дзесяцігадовыя падатковыя канікулы па ключавых плацяжах з магчымасцю іх пралангацыі. У 2024 годзе комплексна абноўлены закон аб інвестыцыях, які прапануе шырокі спектр інструментаў абароны інтарэсаў і падтрымкі інвестараў. Парк высокіх тэхналогій прапануе ўдзельнікам ільготнае падаткаабкладанне па стаўцы ўсяго 10 працэнтаў і ўнікальны прынцып экстэрытарыяльнасці.
"Геапалітычнае становішча Беларусі як натуральнага транспартнага вузла Еўразіі адкрывае шырокія перспектывы для супрацоўніцтва ў сферы лагістыкі. Наша краіна гатова стаць платформай для стварэння сучасных лагістычных хабаў, дзе перадавыя тэхналогіі, уключаючы блокчэйн і інтэрнэт рэчаў, будуць прымяняцца для пабудовы празрыстых і эфектыўных ланцужкоў паставак. Гэта не проста інфраструктурныя праекты - гэта новыя стандарты міжнароднага гандлю, - падкрэсліў парламентарый. - Не менш важным напрамкам з'яўляецца развіццё кадравага патэнцыялу. Беларусь прапануе комплексныя праграмы прафесійнага абмену і сумесныя адукацыйныя ініцыятывы з вядучымі ВНУ краіны. Мы гатовы дзяліцца сваім вопытам падрыхтоўкі высокакваліфікаваных спецыялістаў для высокатэхналагічных галін, што асабліва актуальна ў эпоху лічбавай трансфармацыі эканомік".
У эпоху глабальных трансфармацый, калі традыцыйныя эканамічныя сувязі пераглядаюцца, менавіта шматбаковыя фарматы супрацоўніцтва, такія як БРІКС, набываюць асаблівую значнасць, канстатаваў Сяргей Рачкоў. "Беларусь гатова выступіць надзейным сувязным звяном у гэтай архітэктуры супрацоўніцтва, - дапоўніў ён. - Наша краіна прапануе партнёрам не проста спрыяльныя ўмовы для вядзення бізнесу, а комплексную сістэму ўзаемадзеяння, якая ўключае празрыстую прававую базу, правераную часам, спецыяльныя эканамічныя рэжымы, адаптаваныя пад патрэбнасці міжнародных інвестараў, і развітую інфраструктуру для трансферу тэхналогій".-0-
Падпісвайцеся на нас у
