Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Работа са зваротамі грамадзян фарміруе ў людзей меркаванне аб уладзе і краіне - Качанава

Грамадства 17.04.2019 | 16:41
Наталля Качанава ў час прыёму грамадзян
Наталля Качанава ў час прыёму грамадзян

17 красавіка, Орша /Андрэй Шчарбіцкі - БЕЛТА/. Работа са зваротамі грамадзян фарміруе меркаванне аб уладзе і краіне, таму да праблем людзей павінна быць уважлівае стаўленне. Аб гэтым заявіла журналістам кіраўнік Адміністрацыі Прэзідэнта Наталля Качанава сёння на выязным прыёме грамадзян у Оршы, перадае карэспандэнт БЕЛТА.

Будынак Аршанскага райвыканкама
Будынак Аршанскага райвыканкама'

На прыём да кіраўніка Адміністрацыі Прэзідэнта запісаліся больш за 30 чалавек. Сярод іх не толькі жыхары Аршанскага рэгіёна, прыехалі таксама з Віцебска, Наваполацка, Віцебскага і Лепельскага раёнаў. "Большасць пытанняў, з якімі людзі прыйшлі на прыём, павінны былі быць вырашаны на месцах. Гучалі праблемы, якія датычацца не толькі мясцовай улады, але і кіраўнікоў прадпрыемстваў. Мелі месца выпадкі, калі на адно пытанне давалі людзям адказ, а другое не разглядалі. Работа са зваротамі грамадзян фарміруе ў людзей меркаванне аб уладзе, кіраўніках і ў цэлым аб краіне, таму спецыялістам трэба больш уважліва і скрупулёзна да іх ставіцца, бо за праблемамі стаяць лёсы людзей", - адзначыла Наталля Качанава.

На прыёме жыхарка вёскі Суйкава Віцебскага раёна Надзея Карапузава
На прыёме жыхарка вёскі Суйкава Віцебскага раёна Надзея Карапузава'

Паводле слоў кіраўніка Адміністрацыі Прэзідэнта, з важным пытаннем звярнуўся работнік аднаго з камбінатаў горада. Мужчына расказаў, што ў яго ўзнік асабісты канфлікт з кіраўніком прадпрыемства, і той пачаў яму пагражаць, што не прадоўжыць кантракт, націск аказваўся і на жонку, якая працуе там жа. Жыхар Оршы дадаў, што яго калегі, ведаючы аб прыёме, таксама прасілі расказаць аб фактах непаважлівага да іх стаўлення кіраўніка камбіната. Паводле слоў першага намесніка дырэктара прадпрыемства, прэтэнзій да работніка, які звярнуўся, няма, чалавек працуе 14 гадоў без вымоў. "Аб сітуацыі ў працоўных калектывах трэба ведаць уладам. Гэтым пытаннем павінны займацца і грамадскія арганізацыі, прафсаюзы абавязаны падключацца да абароны правоў работнікаў", - падкрэсліла кіраўнік Адміністрацыі Прэзідэнта.

У сваю чаргу прадстаўнікі праваахоўных органаў паведамілі, што да іх ананімна паступалі скаргі ад работнікаў камбіната на непаважлівае стаўленне начальства. Наталля Качанава даручыла кіраўніцтву Аршанскага райвыканкама высветліць абстаноўку ў калектыве і разабрацца ў праблеме.

Жыхарка Оршы звярнулася па дапамогу ў працаўладкаванні сына-інваліда. Хлопцу 24 гады, працаваў два гады сантэхнікам, але цяпер з-за проціпаказанняў медыкаў не можа знайсці работу. Інваліду паабяцалі на працягу двух тыдняў падшукаць вакансію, якая будзе адпавядаць яго стану здароўя.

Яшчэ адна жанчына з Оршы паскардзілася, што не змагла дабудаваць кватэру, але не па сваёй віне. Дагавор на будаўніцтва жылля яна заключыла некалькі гадоў таму з УКБ Аршанскага райвыканкама, але ў арганізацыі не хапіла грошай для ўзвядзення кватэры. Жанчына абівае парогі розных інстанцый, пакуль безвынікова. Наталля Качанава даручыла разабрацца ў праблеме, вывучыць магчымыя варыянты і дапамагчы жанчыне.

На прыёме па пытанні аб прадастаўленні фінансавай дапамогі ў сувязі са святкаваннем Дня Перамогі жыхар Оршы Уладзімір Сувораў
На прыёме па пытанні аб прадастаўленні фінансавай дапамогі ў сувязі са святкаваннем Дня Перамогі жыхар Оршы Уладзімір Сувораў'

На прыёме грамадзян узнімаліся жыллёвыя і зямельныя пытанні, заяўнікі звярталіся наконт работы ЖКГ, міліцыі, а таксама нявыплаты аліментаў, працаўладкавання, рамонту дарог.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.