ДЗЯРЖОРГАНЫДЗЯРЖОРГАНЫ
Чацвер, 9 ліпеня 2020
Мінск Малавоблачна +15°C
Усе навіны
Усе навіны
Грамадства
30 чэрвеня 2020, 17:24

Работа над заканадаўствам аб адміністрацыйнай адказнасці будзе прадоўжана - Качанава

Фота з архіва
Фота з архіва

30 чэрвеня, Мінск /Кар. БЕЛТА/. У міжсесіённы перыяд сенатары прадоўжаць работу над заканадаўствам аб адміністрацыйнай адказнасці, паведаміла старшыня Савета Рэспублікі Наталля Качанава на закрыцці другой сесіі верхняй палаты беларускага парламента, перадае карэспандэнт БЕЛТА.

"Як не раз падкрэсліваў кіраўнік дзяржавы, законы павінны адпавядаць інтарэсам грамадства, улічваць рэальныя патрэбнасці нашых грамадзян, працаваць на вырашэнне канкрэтных задач на пэўным этапе развіцця краіны. Менавіта зыходзячы з гэтых пазіцый нам трэба прадоўжыць работу над заканадаўствам аб адміністрацыйнай адказнасці. У працэсе падрыхтоўкі праектаў Кодэкса аб адміністрацыйных правапарушэннях і Працэсуальна-выканаўчага кодэкса аб адміністрацыйных правапарушэннях парламентарыямі было ўнесена ў міжведамасную экспертную групу больш за 500 заканадаўчых прапаноў. Значная частка з іх улічана. У міжсесіённым перыядзе нам трэба будзе завяршыць работу над гэтымі законапраектамі і на асенняй сесіі разгледзець яе вынікі", - расказала Наталля Качанава.

Яшчэ адзін важны дакумент, у падрыхтоўцы якога ўдзельнічаюць члены Савета Рэспублікі, - Грамадзянскі кодэкс. "Яго абноўленыя палажэнні павінны канцэптуальна перафармаціраваць цэлы пласт грамадзянска-прававых адносін, садзейнічаць з'яўленню новых прававых паняццяў і катэгорый, забяспечыць эфектыўнае выкарыстанне аб'ектаў інтэлектуальнай уласнасці", - адзначыла спікер.

Наталля Качанава падкрэсліла, што вясенняя сесія верхняй палаты парламента была насычанай і разнапланавай. Савет Рэспублікі адобрыў 51 законапраект, у тым ліку 37 аб ратыфікацыі міжнародных дагавораў. Прыняты да ведама 3 дэкрэты Прэзідэнта. Зацверджаны важнейшыя фінансавыя дакументы краіны - справаздачы аб выкананні рэспубліканскага бюджэту і бюджэту фонду сацыяльнай абароны насельніцтва за 2019 год.

"Навацыі ў заканадаўстве па пытаннях валютнага рэгулявання і валютнага кантролю прызначаны садзейнічаць фарміраванню спрыяльнага інвестыцыйнага клімату і, як вынік, - далейшаму ўмацаванню эканамічнага патэнцыялу дзяржавы. Прыняцце закона аб амністыі стала чарговым этапам развіцця крымінальна-прававой палітыкі, заснаванай на гуманістычных пачатках і канстытуцыйных каштоўнасцях прававой дзяржавы. На абарону правоў і свабод грамадзян і юрыдычных асоб накіраваны змяненні ў законы "Аб натарыяце і натарыяльнай дзейнасці", "Аб трацейскіх судах", - сказала Наталля Качанава. - Для павышэння эфектыўнасці аказання медыцынскай дапамогі і спрашчэння працэдуры рэгістрацыі лякарстваў, у тым ліку для лячэння рэдкіх захворванняў, унесены папраўкі ў закон "Аб лекавых сродках".

Вялікая ўвага была ўдзелена і пашырэнню заканадаўчай базы двухбаковага супрацоўніцтва як з традыцыйнымі партнёрамі - Расіяй, Казахстанам, Узбекістанам, Таджыкістанам, Малдовай, Сербіяй, Іранам, Кубай, так і з патэнцыяльнымі - Албаніяй, Сірыяй, Уругваем. Ратыфікаваны пагадненні з Еўрапейскім саюзам аб спрашчэнні выдачы віз і аб рэадмісіі, 10 міжнародных дагавораў "пяцёркі" ЕАЭС, 5 шматбаковых пагадненняў у рамках ААН, Савета Еўропы, Сусветнай паштовай арганізацыі, СНД.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі