ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Грамадства
13 мая 2021, 13:07

Пытанні атэстацыі работнікаў аховы здароўя вынесены на грамадскае абмеркаванне

Фота з архіва
Фота з архіва

13 мая, Мінск /Кар. БЕЛТА/. Праект пастановы Міністэрства аховы здароўя "Аб прафесійнай атэстацыі медыцынскіх, фармацэўтычных і іншых работнікаў аховы здароўя" вынесены на грамадскае абмеркаванне, паведамляе БЕЛТА са спасылкай на Нацыянальны прававы інтэрнэт-партал.

У абгрунтаванні да дакумента адзначаецца важнасць высокага ўзроўню прафесіяналізму і кампетэнцый медыцынскіх і фармацэўтычных работнікаў у сувязі з імклівым развіццём медыцынскай навукі, укараненнем і нарошчваннем аб'ёмаў высокатэхналагічнай меддапамогі, перадавых фармацэўтычных тэхналогій.

У Беларусі ліцэнзаванне кожнага медработніка не прадугледжана заканадаўствам, таму патрэбна ўдасканаленне сістэмы прысваення і далейшага дзеяння кваліфікацыйных катэгорый. Укараненне сістэмы прафесійнай атэстацыі дасць магчымасць матываваць медыцынскіх, фармацэўтычных работнікаў на павышэнне сваёй кваліфікацыйнай катэгорыі, адказнасці за захаванне катэгорыі, што ў сваю чаргу дасць магчымасць забяспечыць якасць аказваемай медыцынскай дапамогі і захаванне дэмаграфічнай бяспекі краіны, гаворыцца ў абгрунтаванні.

Праектам пастановы прадугледжана Інструкцыя аб парадку і ўмовах правядзення прафесійнай атэстацыі медыцынскіх, фармацэўтычных і іншых работнікаў аховы здароўя. На медработнікаў Дзяржаўнага камітэта судовых экспертыз яе дзеянне не распаўсюджваецца.

Пры падрыхтоўцы праекта пастановы былі ўлічаны пытанні і прапановы, што ўздымаюцца практычнай аховай здароўя, рэспубліканскімі органамі дзяржкіравання, грамадскімі медыцынскімі аб'яднаннямі (асацыяцыямі) і прадстаўнікамі бізнес-саюзаў прадпрымальнікаў і наймальнікаў у сферы аховы здароўя, узнікаючыя пры прымяненні дзеючага парадку прысваення кваліфікацыйных катэгорый і іх дзеяння.

Свае заўвагі і прапановы можна выказаць у спецыяльнай тэме на Прававым форуме Беларусі па 22 мая 2021 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі