12 кастрычніка, Мінск /Кар. БЕЛТА/. Скарачаць водпуск па доглядзе дзіцяці ва ўзросце да 3 гадоў у Беларусі пакуль не плануецца. Аб гэтым заявіла начальнік упраўлення народанасельніцтва, гендарнай і сямейнай палітыкі Міністэрства працы і сацыяльнай абароны Беларусі Вера Лабковіч у час анлайн-канферэнцыі на сайце Мінпрацы, паведамляе БЕЛТА.
"Цяпер пытанне аб скарачэнні водпуску па доглядзе дзіцяці ва ўзросце да трох гадоў не разглядаецца", - сказала Вера Лабковіч.
Сёння базай для разліку дапамогі па доглядзе дзіцяці ва ўзросце да 3 гадоў з'яўляецца сярэднямесячная заработная плата работнікаў у краіне. На выхаванне першынца кожны месяц выплачваецца 35 працэнтаў сярэднямесячнай зарплаты; на другое і наступных малышоў - 40 працэнтаў; на дзіця-інваліда - 45 працэнтаў сярэднямесячнай зарплаты.
Акрамя таго, на думку намесніка міністра працы і сацыяльнай абароны Валерыя Кавалькова, павелічэнне расходаў на выплату дапамог па цяжарнасці і родах, на нараджэнне дзіцяці і па доглядзе дзіцяці (аб чым сведчыць статыстыка) не вымывае сродкі з Фонду сацыяльнай абароны насельніцтва (ФСАН). "Дапамогі па цяжарнасці і родах, у сувязі з нараджэннем дзіцяці і па доглядзе дзіцяці ва ўзросце да 3 гадоў працуючым грамадзянам адносяцца да выплат па дзяржаўным сацыяльным страхаванні. Для забеспячэння гэтых і іншых выплат, аднесеных да сацыяльнага страхавання, наймальнікі выплачваюць узносы ў бюджэт дзяржаўнага пазабюджэтнага фонду сацыяльнай абароны насельніцтва на сацыяльнае страхаванне ў памеры 6 працэнтаў, - растлумачыў Валерый Кавалькоў. - Гэтыя ўзносы практычна ў поўным аб'ёме пакрываюць дзяржаўныя абавязацельствы па страхавых выплатах".-0-