Пуцін падпісаў закон аб магчымасці пералічэння аліментаў у беларускія банкі

29 снежня, Масква /Эдуард Півавар - БЕЛТА/. Прэзідэнт Расіі Уладзімір Пуцін падпісаў закон, які дае магчымасць пералічэння аліментаў або кампенсацыі шкоды жыццю і здароўю грамадзянам Беларусі на рахункі ў беларускіх банках. Дакумент размешчаны на афіцыйным партале апублікавання прававой інфармацыі, паведамляе БЕЛТА.

Дакументам унесены змяненні ў закон "Аб выканаўчым вядзенні па справе". Да гэтага ў расійскім заканадаўстве быў прадугледжаны абавязак пералічэння спагнаных грашовых сродкаў выключна на рахункі спагнаннікаў, адкрытыя ў расійскай крэдытнай арганізацыі, або на казначэйскі рахунак. Цяпер для грамадзян ці арганізацый Беларусі ўстанаўліваецца магчымасць пазначэння рэквізітаў банкаўскага рахунку, адкрытага ў беларускім банку, на якія трэба пералічыць спагнаныя грашовыя сродкі па выканаўчых дакументах у адносінах да грамадзян або арганізацый Беларусі.

Законам такая магчымасць распаўсюджваецца на выпадкі спагнання аліментаў або кампенсацыі шкоды, нанесенай жыццю і здароўю (у тым ліку ў сувязі са смерцю карміцеля), а таксама кампенсацыі шкоды ад злачынства. Спагнаныя грашовыя сродкі будуць пералічвацца на банкаўскія рахункі спагнаннікаў, адкрытыя ў беларускай крэдытнай арганізацыі ці рахункі Мінфіна Беларусі, адкрытыя ў беларускім банку.-0-