Прыярытэты работы АДКБ у ваеннай сферы вызначылі на пасяджэнні Ваеннага камітэта арганізацыі

12 красавіка, Мінск /Кар. БЕЛТА/. Ключавымі пытаннямі пасяджэння Ваеннага камітэта АДКБ, якое прайшло 12 красавіка ў фармаце відэаканферэнцыі, у тым ліку сталі прыярытэтныя напрамкі дзейнасці арганізацыі ў ваеннай сферы, прапанаваныя Казахстанам на перыяд старшынства ў гэтым годзе, і меры па іх рэалізацыі. Аб гэтым БЕЛТА паведамілі ў Міністэрстве абароны.

Начальнік Генеральнага штаба Узброеных Сіл - першы намеснік міністра абароны Беларусі генерал-маёр Віктар Гулевіч прыняў удзел у пасяджэнні Ваеннага камітэта АДКБ. У мерапрыемстве ўдзельнічалі начальнікі Генеральных штабоў Узброеных Сіл дзяржаў - членаў АДКБ, начальнік Аб'яднанага штаба АДКБ генерал-палкоўнік Андрэй Сердзюкоў і намеснік генеральнага сакратара АДКБ Таалатбек Масадыкаў.

Генерал-маёр Віктар Гулевіч давёў інфармацыю аб выкліках і пагрозах, уласцівых рэгіёну Усходняй Еўропы. Ключавымі пытаннямі пасяджэння таксама сталі прыярытэтныя напрамкі дзейнасці АДКБ у ваеннай сферы, прапанаваныя Казахстанам на перыяд старшынства ў арганізацыі ў бягучым годзе, і меры па іх рэалізацыі, сумесныя мерапрыемствы аператыўнай і баявой падрыхтоўкі ў 2024-2025 гадах, арганізацыя проціпаветранай абароны ў Цэнтральна-Азіяцкім рэгіёне калектыўнай бяспекі АДКБ і далейшае развіццё Калектыўных авіяцыйных сіл АДКБ.