Пропускі на дзеянні ў зоне адчужэння можна атрымаць анлайн на партале "Е-Паслуга"
 

23 красавіка, Мінск /Кар. БЕЛТА/. З 22 красавіка на адзіным партале электронных паслуг "Е-Паслуга" размешчаны новыя адміністрацыйныя працэдуры, органам-рэгулятарам якіх з'яўляецца Міністэрства па надзвычайных сітуацыях, паведамілі БЕЛТА ў Нацыянальным цэнтры электронных паслуг.

Так, на партале сталі даступны працэдуры 200.14.3 "Выдача пропуска на знаходжанне грамадзян, уезд усіх відаў транспартных сродкаў і іншай тэхнікі на тэрыторыі зоны эвакуацыі (адчужэння), зоны першачарговага адсялення і зоны наступнага адсялення, з якіх адселена насельніцтва і на якіх устаноўлены кантрольна-прапускны рэжым"; 200.14.5 "Выдача пропуска на вываз маёмасці, што знаходзіцца на тэрыторыях зоны эвакуацыі (адчужэння), зоны першачарговага адсялення і зоны наступнага адсялення, з якіх адселена насельніцтва і на якіх устаноўлены кантрольна-прапускны рэжым, за іх межы".

Таксама анлайн даступны адмінпрацэдуры 548.19.12.1 "Атрыманне пропуска на вываз маёмасці, зямлі, карысных выкапняў, іншых матэрыяльных каштоўнасцей (за выключэннем узораў, адбіраемых для навуковых мэт пры выкананні навукова-даследчых работ, праводзімых у адпаведнасці з заканадаўствам), што знаходзяцца на тэрыторыях зоны эвакуацыі (адчужэння), зоны першачарговага адсялення і зоны наступнага адсялення, з якіх адселена насельніцтва і на якіх устаноўлены кантрольна-прапускны рэжым" і  548.19.17.1 "Атрыманне пропуска для ўезду, знаходжання на тэрыторыях зоны эвакуацыі (адчужэння), зоны першачарговага адсялення і зоны наступнага адсялення, з якіх адселена насельніцтва і на якіх устаноўлены кантрольна-прапускны рэжым".

Адміністрацыйныя працэдуры даступны для заказу са строгай аўтэнтыфікацыяй (з выкарыстаннем асабістага электроннага лічбавага подпісу або ID-карткі).-0-