8 снежня, Мінск /Кар. БЕЛТА/. Прэзідэнт трымае слова. Такім меркаваннем з карэспандэнтам БЕЛТА падзяліўся палітолаг Вадзім Баравік, каменціруючы ўказ Прэзідэнта, у адпаведнасці з якім у беларускае грамадзянства прыняты 448 грамадзян Украіны.
"З моманту "Вялікай размовы" больш за 1,2 тыс. чалавек, якія прыбылі з Украіны, атрымалі беларускае грамадзянства. Але пры гэтым не трэба забываць, што больш за 150 тыс. украінцаў да нас пераехалі. І з нашага боку не было нейкіх неадэкватных, негуманных дзеянняў у адносінах да грамадзян Украіны, якія не ад добрага жыцця ў Беларусь перабраліся. Быў жа там ваенны канфлікт. Там і цяпер тлеючы ваенны канфлікт. Людзі страцілі сваё жыллё, маёмасць. Гэта, дарэчы, тое, ад чаго цяпер бягуць тыя бежанцы, якія сабраліся на беларуска-польскай граніцы. Таксама ад вайны, бяды, таму што яны пазбаўлены нармальных умоў для жыцця", - сказаў Вадзім Баравік.
Палітолаг адзначыў, Аляксандр Лукашэнка заўсёды трымае сваё слова. "Прэзідэнт у час "Вялікай размовы" папрасіў, каб падрыхтавалі адпаведныя звароты і яны будуць пазітыўна разгледжаны. І, як інфармуе Дэпартамент па грамадзянстве і міграцыі, на бягучы момант неразгледжаных зваротаў няма. Гэта значыць яны ўсе задаволены. І, адпаведна, Беларусь дэманструе гуманную пазіцыю. Кіраўнік дзяржавы трымае слова, - падкрэсліў ён. - Дарэчы, калі ўспомніць размову Меркель і Лукашэнкі, Меркель абяцала сітуацыі з бежанцамі на граніцы ўдзяліць увагу. Наплявалі на свае абяцанні. Абсалютна іх не хвалюе гэта гуманітарная катастрофа, якая склалася па віне краін, што ўдзельнічалі ў ваенных аперацыях на тэрыторыі дзяржаў, адкуль цяпер бягуць бежанцы".
"Вы зразумейце адзін момант: грамадзяне Украіны звярнуліся па грамадзянства да беларускага Прэзідэнта, - дадаў Вадзім Баравік. - Гэта сведчыць аб тым, што яны ацанілі ўзровень сацыяльных стандартаў, эканамічную палітыку. Яны ацанілі стабільную работу беларускай дзяржавы, у тым ліку і ў гуманітарных аспектах. Наша эканоміка дае магчымасць ім знайсці работу. Ім падабаецца стабільнасць палітычнай сістэмы. Яны ўжо стаміліся ва Украіне ад пастаянных рэвалюцыйных змяненняў. Беларусь яны цэняць за мір, стабільнасць і гуманнае стаўленне да асоб любых нацыянальнасцей і любых дзяржаў".-0-
