6 лістапада, Мінск /Кар. БЕЛТА/. Прэс-канферэнцыя "Дзяржаўная палітыка энергаэфектыўнасці: вынікі, актуальныя задачы, перспектывы", прымеркаваная да Міжнароднага дня энергазберажэння, адбудзецца ў прэс-цэнтры БЕЛТА 11 лістапада ў 11.00.
Каб прыцягнуць увагу грамадскасці да рацыянальнага выкарыстання рэсурсаў і развіцця аднаўляльных крыніц энергіі (АКЭ), 11 лістапада 2008 года Беларусь далучылася да святкавання Міжнароднага дня энергазберажэння. У гэты дзень у краінах, якія падтрымліваюць гэту ініцыятыву, праходзяць розныя мерапрыемствы, галоўная задача якіх інфармаванне насельніцтва аб важнасці эфектыўнага выкарыстання энергарэсурсаў, спосабах энергазберажэння і існуючых магчымасцях выкарыстання АКЭ.
У Беларусі паслядоўна праводзіцца дзяржаўная палітыка ў галіне энергазберажэння. Дэпартамент па энергаэфектыўнасці Дзяржаўнага камітэта па стандартызацыі ажыццяўляе дзяржаўнае кіраванне ў сферы энергазберажэння і развіцця АКЭ ўжо больш як 25 гадоў.
Аб выніках работы, актуальных задачах і перспектывах у час прэс-канферэнцыі раскажуць намеснік старшыні Дзяржстандарту - дырэктар Дэпартамента па энергаэфектыўнасці Міхаіл Малашэнка, начальнік вытворча-тэхнічнага аддзела Дэпартамента Аляксандр Даніленка, начальнік аддзела навукова-тэхнічнай палітыкі і знешнеэканамічных сувязей дэпартамента Андрэй Мінянкоў, начальнік Мінскага абласнога ўпраўлення па наглядзе за рацыянальным выкарыстаннем паліўна-энергетычных рэсурсаў Дзмітрый Кулак.
Акрэдытацыя СМІ па тэлефонах (017) 327-24-47, (044) 583-84-04, электроннай пошце: pressuser@belta.by і на сайце БЕЛТА www.belta.by. Электронныя заяўкі дзейнічаць толькі пасля атрымання пацвярджэння прэс-цэнтра. Адрас прэс-цэнтра БЕЛТА: г. Мінск, вул. Энгельса, 30-303.-0-
