Сцяг Нядзеля, 19 мая 2024
Усе навіны
Усе навіны
Грамадства
17 сакавіка 2023, 11:54

Праваабаронца: у еўрапейскіх СМІ забаронена асвятляць гібель бежанцаў на польскай граніцы

17 сакавіка, Мінск /Кар. БЕЛТА/. У еўрапейскіх СМІ забаронена асвятляць гібель бежанцаў на польскай граніцы. Аб гэтым на адкрыцці выставы "Мяжа паміж жыццём і смерцю" расказаў старшыня праўлення Міжнароднага дабрачыннага фонду імя Эміля Чэчкі Дзмітрый Белякоў, перадае карэспандэнт БЕЛТА.

"Цэнтр "Сістэмная праваабарона", а таксама наша праваабарончая арганізацыя займаюцца дапамогай бежанцам. Што датычыцца паказанняў Эміля Чэчкі аб расстрэлах мігрантаў, то нядаўна польская еўрапарламентарый і кіраўнік адной з гуманітарных арганізацый Польшчы заявіла аб сотнях прапаўшых бежанцаў у польскіх лясах. Акрамя таго, толькі члены яе арганізацыі знайшлі там каля 40 трупаў. Я думаю, чым больш пройдзе часу, тым больш мы пачуем новай інфармацыі ад праваабаронцаў, сумленне якіх не дазволіць ім скрываць гэту інфармацыю", - сказаў Дзмітрый Белякоў.

Праваабаронца падкрэсліў, што польскія ўлады да гэтага часу забараняюць журналістам і праваабаронцам наведваць прыгранічныя тэрыторыі. "У Польшчы забаронена абмяркоўваць гэту тэматыку. Ад сваіх партнёраў з Вялікабрытаніі мы ведаем, што брытанскія СМІ яшчэ год таму атрымалі забарону на асвятленне гібелі бежанцаў у польскіх лясах. І гаварыць аб тым, што падыходы да гэтай тэмы ў заходняй прэсе зменяцца, нам не даводзіцца. Але будзем дабівацца таго, каб гэтыя злачынствы атрымалі міжнародную ацэнку і міжнароднае расследаванне. Калі мы афіцыйна звярталіся ў Гаагскі трыбунал, нам прыслалі адказ, каб мы звярнуліся ў польскія суды. А з той уладай, якая блакіруе іншадумства ў Польшчы, ніякіх магчымых расследаванняў яны праводзіць не будуць", - заявіў праваабаронца.

У Мастацкай галерэі Міхаіла Савіцкага ў Мінску сёння адкрываецца фотавыстава БЕЛТА "Мяжа паміж жыццём і смерцю" пры падтрымцы Цэнтра "Сістэмная праваабарона". Выстава складаецца больш як са 100 фатаграфій, дзе адлюстраваны рэальныя гісторыі і лёсы мігрантаў з розных краін, у тым ліку дзяцей. Галоўная задача аўтараў выставы - расказаць з дапамогай здымкаў аб міграцыйным крызісе, паказаць рэальную сітуацыю на беларуска-польскай граніцы.

20 сакавіка фотавыстава "Мяжа паміж жыццём і смерцю" прадоўжыць сваю работу ў фае чыгуначнага вакзала Мінска (Прывакзальная плошча, 3). Фатаграфіі будуць экспанавацца тут да 26 сакавіка. З 27 сакавіка па 2 красавіка фотавыстава "Мяжа паміж жыццём і смерцю" будзе прадстаўлена ў будынку Нацыянальнага аэрапорта Мінск. На працягу ўсяго часу выстава будзе працаваць без выхадных, уваход бясплатны.-0-

Падпісвайцеся на нас у
Twitter
Топ-навіны
Свежыя навіны Беларусі