ДЗЯРЖОРГАНЫДЗЯРЖОРГАНЫ
Чацвер, 4 чэрвеня 2020
Мінск Пераменная воблачнасць +12°C
Усе навіны
Усе навіны
Грамадства
17 красавіка 2020, 12:22

Праект пастановы аб абыходжанні з адходамі вынесены на грамадскае абмеркаванне

Фота з архіва
Фота з архіва

17 красавіка, Мінск /Кар. БЕЛТА/. Праект пастановы Савета Міністраў аб рэалізацыі ўказа Прэзідэнта ад 17 студзеня 2020 года нумар 16, які рэгулюе асобныя пытанні ў сферы абыходжання з адходамі, вынесены на грамадскае абмеркаванне, паведамляе БЕЛТА са спасылкай на Нацыянальны прававы інтэрнэт-партал.

Дакумент падрыхтаваны для рэгулявання пытанняў, звязаных з выкананнем вытворцамі і пастаўшчыкамі абавязку па забеспячэнні збору, абясшкоджвання і (або) выкарыстання адходаў тавараў і ўпакоўкі і расходавання сродкаў, якія паступаюць ад вытворцаў і пастаўшчыкоў ДУ "Аператар другасных матэрыяльных рэсурсаў".

Пастановай плануецца зацвердзіць шэраг палажэнняў, напрыклад, аб каардынацыі дзейнасці ў сферы абыходжання з другаснымі матэрыяльнымі рэсурсамі (ДМР), аб парадку прымянення ўласнай сістэмы збору, абясшкоджвання і (або) выкарыстання адходаў тавараў і ўпакоўкі, аб парадку разліку сумы і тэрмінах унясення платы за арганізацыю збору, абясшкоджвання і (або) выкарыстання адходаў. Плануецца вызначыць парадак вяртання залішне ўнесенай (спагнанай) платы і пеняў. Будзе зацверджана тыпавая форма дагавора аб арганізацыі збору, абясшкоджвання і (або) выкарыстання ДМР, а таксама пералік дакументаў, якія пацвярджаюць прававыя асновы для вызвалення ад гэтай дзейнасці.

Акрамя таго, дакументам будзе вызначана, якім чынам вытворцы тавараў і ўпакоўкі будуць наладжваць бяспечнае абыходжанне з тымі адходамі, якія ўтвараюцца пасля страты іх прадукцыі спажывецкіх уласцівасцей. Таксама будзе разгледжаны шэраг пытанняў, якія датычацца выплат кампенсацый і вядзення рэестра арганізацый, што ажыццяўляюць збор, сартаванне, падрыхтоўку адходаў і інш.

Плануецца, што пасля падпісання пастанова ўступіць у сілу з 1 ліпеня бягучага года.

Арганізатар грамадскага абмеркавання - Міністэрства жыллёва-камунальнай гаспадаркі. Заўвагі і прапановы можна выказаць у спецыяльнай тэме на Прававым форуме з 17 па 27 красавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі