5 ліпеня, Мінск /Кар. БЕЛТА/. Новы праект у галіне біяфармацэўтыкі анансавалі ў НАН Беларусі. Аб гэтым паведаміла часопісу "Экономика Беларуси" намеснік дырэктара Інстытута біяарганічнай хіміі НАН Беларусі па навуковай і інавацыйнай рабоце - начальнік НПЦ "ХімФармСінтэз" член-карэспандэнт, доктар хімічных навук Алена Калінічэнка, паведамляе БЕЛТА.
"Размова ідзе аб зусім новым пакаленні прэпаратаў, высокаэфектыўных пры лячэнні шэрага анкалагічных захворванняў", - падкрэсліла Алена Калінічэнка.
За бягучую пяцігодку вучоныя Інстытута біяарганічнай хіміі і шэрага іншых арганізацый плануюць рэалізаваць высокатэхналагічны праект па стварэнні монакланальных антыцел (МКАЦ) і лекавых прэпаратаў на іх аснове.
У Беларусі цяпер фактычна адсутнічаюць не толькі такія тэхналогіі, але і вытворчасць джэнерыкаў на аснове МКАЦ.
Вынікам выканання праекта стануць унікальныя тэхналогіі распрацоўкі і вытворчасці, новыя лекавыя формы на аснове гэтых прэпаратаў. Будзе створана таксама доследная вытворчасць, якая дасць магчымасць наладзіць выпуск імпартазамяшчальнай прадукцыі.-0-
