18 кастрычніка, Мінск /Кар. БЕЛТА/. Кіраўніцтва і службовыя асобы Адміністрацыі Прэзідэнта Беларусі правядуць у кастрычніку выязныя прыёмы грамадзян і юрыдычных асоб у рэгіёнах, паведамляе БЕЛТА.
Разам з асабістымі прыёмамі прадстаўнікі Адміністрацыі вывучаць сітуацыю на месцах: выкананне даручэнняў кіраўніка дзяржавы, эфектыўнасць дзеянняў мясцовых органаў улады па павышэнні ўзроўню жыццезабеспячэння насельніцтва. Асаблівую ўвагу плануецца ўдзяліць пытанням сацыяльна-эканамічнага развіцця рэгіёнаў, выяўленню праблем, якія выклікаюць занепакоенасць людзей і патрабуюць аператыўнага вырашэння.
Так, 22 кастрычніка з 12.00 памочнік Прэзідэнта - інспектар па Гродзенскай вобласці Іван Лаўрыновіч будзе прымаць людзей у Парэцкім сельвыканкаме.
З памочнікам Прэзідэнта - інспектарам па Мінску Віталіем Прымам грамадзяне змогуць сустрэцца 23 кастрычніка ў адміністрацыі Заводскага раёна сталіцы. Пачатак прыёму ў 9.00. У гэты ж дзень у Клічаўскім райвыканкаме з 11.00 будзе весці прыём начальнік галоўнага эканамічнага ўпраўлення Адміністрацыі Прэзідэнта Дзмітрый Барабанаў.
Памочнік Прэзідэнта - інспектар па Магілёўскай вобласці Міхаіл Русы 24 кастрычніка прыедзе ў Касцюковіцкі раён, прыём у райвыканкаме пачнецца ў 10.00.
Намеснік кіраўніка Адміністрацыі Прэзідэнта Мікалай Снапкоў 25 кастрычніка правядзе прыём грамадзян у Бялыніцкім райвыканкаме. Пачатак у 10.00.
Запісацца на прыёмы можна па тэлефонах аддзелаў па рабоце са зваротамі грамадзян адпаведных выканаўчых камітэтаў.-0-