11 кастрычніка, Мінск /Кар. БЕЛТА/. Кіраўніцтва і службовыя асобы Адміністрацыі Прэзідэнта Беларусі правядуць у кастрычніку выязныя прыёмы грамадзян і юрыдычных асоб у рэгіёнах, паведамляе БЕЛТА.
Разам з асабістымі прыёмамі прадстаўнікі Адміністрацыі вывучаць сітуацыю на месцах - выкананне даручэнняў кіраўніка дзяржавы, эфектыўнасць дзеянняў мясцовых органаў улады па павышэнні ўзроўню жыццезабеспячэння насельніцтва. Асаблівую ўвагу плануецца ўдзяліць пытанням сацыяльна-эканамічнага развіцця рэгіёнаў, выяўленню праблем, якія выклікаюць занепакоенасць людзей і патрабуюць аператыўнага вырашэння.
Так, 15 кастрычніка ў 10.00 памочнік Прэзідэнта - інспектар па Мінскай вобласці Ігар Яўсееў сустрэнецца з жыхарамі рэгіёна ў Вілейскім райвыканкаме.
У гэты ж дзень намеснік начальніка галоўнага ідэалагічнага ўпраўлення - начальнік упраўлення ідэалогіі і інфармацыйнай палітыкі Адміністрацыі Прэзідэнта Уладзімір Матусевіч пачне прыём грамадзян у Мазырскім райвыканкаме ў 11.00.
Дзве сустрэчы з жыхарамі рэгіёнаў пройдуць 16 кастрычніка. Так, у адміністрацыі Першамайскага раёна Мінска з 9.00 будзе весці прыём памочнік Прэзідэнта - інспектар па Мінску Віталь Прыма. У 10.00 у Дзяржынскім райвыканкаме пачне прыём начальнік галоўнага ўпраўлення кадравай палітыкі Адміністрацыі Прэзідэнта Юрый Крывашэеў.
17 кастрычніка ў Барысаўскім райвыканкаме з 10.00 будзе прымаць начальнік галоўнага ідэалагічнага ўпраўлення Адміністрацыі Прэзідэнта Вольга Шпілеўская.
У пятніцу, 18 кастрычніка, у Баранавіцкім райвыканкаме ў 10.00 пачне прыём памочнік Прэзідэнта - інспектар па Брэсцкай вобласці Анатоль Маркевіч. У гэты ж дзень у Шаркаўшчынскім райвыканкаме з 11.00 са зваротамі грамадзян будзе працаваць першы намеснік начальніка галоўнага ўпраўлення кадравай палітыкі - начальнік упраўлення кіруючых кадраў і дзяржаўных узнагарод Адміністрацыі Прэзідэнта Генадзь Рашацько.
Запісацца на прыёмы можна па тэлефонах аддзелаў па рабоце са зваротамі грамадзян адпаведных выканаўчых камітэтаў.-0-