15 студзеня, Мінск /Кар. БЕЛТА/. Адміністрацыя Прэзідэнта прадаўжае на планавай аснове праводзіць прыёмы грамадзян і юрыдычных асоб, у тым ліку выязныя прыёмы ў рэгіёнах. Чарговыя сустрэчы запланаваны на 16-29 студзеня, паведамляе БЕЛТА.
Так, 16 студзеня намеснік кіраўніка Адміністрацыі Прэзідэнта Вольга Чупрыс з 10.00 правядзе прыём грамадзян у Адміністрацыі Прэзідэнта. А з 12.30 у гэты ж дзень памочнік Прэзідэнта - інспектар па Брэсцкай вобласці Анатоль Маркевіч выслухае грамадзян на прадпрыемстве ААТ "Давыд-Гарадоцкі электрамеханічны завод" у Столінскім раёне.
На 21 студзеня запланавана сустрэча з грамадзянамі памочніка Прэзідэнта - інспектара па Мінскай вобласці Ігара Яўсеева ва Уздзенскім райвыканкаме.
22 студзеня памочнік Прэзідэнта - інспектар па горадзе Мінску Віталь Прыма правядзе прыём грамадзян у Мінскім гарвыканкаме.
Начальнік галоўнага эканамічнага ўпраўлення Адміністрацыі Прэзідэнта Дзмітрый Барабанаў выслухае звароты грамадзян у Адміністрацыі Прэзідэнта 23 студзеня. Пачатак мерапрыемства запланаваны ў 10.00.
Памочнік Прэзідэнта - інспектар па Віцебскай вобласці Анатоль Ліневіч 28 студзеня правядзе прыём грамадзян у Аршанскім райвыканкаме.
На 29 студзеня запланаваны сустрэчы з грамадзянамі ў Баранавіцкім райвыканкаме - з памочнікам Прэзідэнта - інспектарам па Брэсцкай вобласці Анатолем Маркевічам, у Гродзенскім гарвыканкаме - з памочнікам Прэзідэнта - інспектарам па Гродзенскай вобласці Іванам Лаўрыновічам.
Запісацца на прыём можна па тэлефонах аддзелаў па рабоце са зваротамі грамадзян адпаведных выканаўчых камітэтаў.-0-
