13 лістапада, Мінск /Кар. БЕЛТА/. Удзельнікамі міжнароднага стаматалагічнага форуму сталі прадстаўнікі 11 краін. Аб гэтым журналістам на форуме расказаў галоўны пазаштатны стаматолаг Міністэрства аховы здароўя, рэктар БДМУ Сяргей Рубніковіч, перадае карэспандэнт БЕЛТА.
Міжнародны стаматалагічны форум праходзіць у Беларусі з 13 па 15 лістапада. У яго рамках таксама адбудуцца міжнародная спецыялізаваная выстаўка "Стаматалогія Беларусі - 2024", Беларускі міжнародны стаматалагічны кангрэс і Рэспубліканскі навукова-практычны семінар. "Наш форум прысвечаны ўсім актуальным навацыям, што датычацца сучаснай стаматалогіі і сківічна-тварнай хірургіі. Яны прадстаўлены як на выстаўцы, так і ў дакладах", - сказаў Сяргей Рубніковіч.
Ён адзначыў, што як у кангрэсе, так і ў выстаўцы ўдзельнічаюць 11 краін: Расія, Кітай, Узбекістан, Іран, Індыя, Бразілія, Зімбабвэ і іншыя. "Гэта нашы партнёры, даволі вялікі пул спецыялістаў у галіне стаматалогіі, якія прадставяць свае дасягненні на гэтай актыўнай пляцоўцы", - адзначыў ён і дадаў, што ў першы дзень работы адбудзецца Беларуска-расійска-ўзбекскі форум.
Навізной юбілейнага кангрэса стала прысутнасць будучых спецыялістаў і вучоных, маладых спецыялістаў. "Прысутнічаюць студэнты як Беларускага дзяржаўнага медыцынскага ўніверсітэта, так і Віцебскага дзяржаўнага медыцынскага ўніверсітэта. Больш за 15 студэнтаў прыехалі з расійскіх ВНУ. У прыватнасці, з Расіі прыехалі прадстаўнікі 13 ВНУ, якія будуць дэманстраваць свае школы і напрамкі работы", - адзначыў галоўны пазаштатны стаматолаг.
Сяргей Рубніковіч дадаў, што ўжо традыцыйна актыўны ўдзел у форуме прымае Кітай. "Кітай прадставіў вялікую колькасць абсталявання. Прадстаўлены і беларуска-кітайскія сумесныя прадпрыемствы, якія вырабляюць матэрыялы і стаматалагічнае абсталяванне", - адзначыў ён.
На выстаўцы "Стаматалогія Беларусі - 2024" прадстаўлены беларускае абсталяванне для стаматалагічных кабінетаў, інструменты, матэрыялы, рэнтген-устаноўкі і аксесуары, абсталяванне для зубатэхнічных лабараторый, артадантыя, анестэзіялогія, прэпараты і аксесуары па доглядзе зубоў, стаматалагічныя лекавыя прэпараты. "На кангрэсе мы заслухаем цікавыя даклады па штучным інтэлекце ў стаматалогіі, па прафілактычным напрамку як у дзіцячай, так і дарослай стаматалогіі, па вырабе складаных сківічна-тварных апаратаў і пратэзаў і інш.", - сказаў рэктар. Ён таксама запэўніў, што тры дні форуму будуць вельмі насычанымі.-0-
Міжнародны стаматалагічны форум праходзіць у Беларусі з 13 па 15 лістапада. У яго рамках таксама адбудуцца міжнародная спецыялізаваная выстаўка "Стаматалогія Беларусі - 2024", Беларускі міжнародны стаматалагічны кангрэс і Рэспубліканскі навукова-практычны семінар. "Наш форум прысвечаны ўсім актуальным навацыям, што датычацца сучаснай стаматалогіі і сківічна-тварнай хірургіі. Яны прадстаўлены як на выстаўцы, так і ў дакладах", - сказаў Сяргей Рубніковіч.
Навізной юбілейнага кангрэса стала прысутнасць будучых спецыялістаў і вучоных, маладых спецыялістаў. "Прысутнічаюць студэнты як Беларускага дзяржаўнага медыцынскага ўніверсітэта, так і Віцебскага дзяржаўнага медыцынскага ўніверсітэта. Больш за 15 студэнтаў прыехалі з расійскіх ВНУ. У прыватнасці, з Расіі прыехалі прадстаўнікі 13 ВНУ, якія будуць дэманстраваць свае школы і напрамкі работы", - адзначыў галоўны пазаштатны стаматолаг.
Сяргей Рубніковіч дадаў, што ўжо традыцыйна актыўны ўдзел у форуме прымае Кітай. "Кітай прадставіў вялікую колькасць абсталявання. Прадстаўлены і беларуска-кітайскія сумесныя прадпрыемствы, якія вырабляюць матэрыялы і стаматалагічнае абсталяванне", - адзначыў ён.
Падпісвайцеся на нас у
