Сцяг Серада, 17 красавіка 2024
Усе навіны
Усе навіны
Грамадства
20 лютага 2024, 13:56

Прадстаўнік Маладзёжнага савета пры ЦВК: моладзь цікавіцца будучыняй нашага грамадства

20 лютага, Мінск /Кар. БЕЛТА/. Удзел моладзі ў палітычнай кампаніі - сучасны трэнд. Калі моладзь цікавіцца выбарамі, адпаведна цікавіцца і будучыняй краіны. Аб гэтым расказаў журналістам старшыня Маладзёжнага савета пры Цэнтральнай выбарчай камісіі Беларусі студэнт Акадэміі кіравання пры Прэзідэнце Дзмітрый Муравейнікаў на прэс-канферэнцыі "Удзел моладзі ў выбарчай кампаніі: падтрымка і рэалізацыя ініцыятыў", паведамляе карэспандэнт БЕЛТА.

"Наш савет быў выбраны 9 лістапада 2023 года, і гэта ўнікальны вопыт для рэспублікі, падобных фарміраванняў няма і ў замежных краінах. У яго ўваходзяць 19 чалавек з ліку навучэнскай і працуючай моладзі. Студэнцкую прадстаўляюць 14 чалавек, працуючую - 5. Квоты таксама падзелены па абласцях і горадзе Мінску - работа савета выбудавана так, каб ахапіць усю краіну і дасягнуць максімальнага выніку", - расказаў старшыня савета.

Галоўнай задачай, якая стаяла перад саветам, стала правядзенне растлумачальнай работы сярод маладзёжнай аўдыторыі для больш глыбокага разумення выбарчага працэсу. "Наш флагманскі праект - асветны марафон "Выбірай. Бай", якому быў дадзены старт 14 снежня 2023 года ў акадэміі. Ён рэалізуецца па ініцыятыве маладзёжнага выбарчага клуба "Выбар", створанага ў акадэміі пры падтрымцы Маладзёжнага савета пры ЦВК. Яго ключавая мэта - фарміраванне пула маладых спікераў, экспертаў у галіне выбарчага права для ўзаемадзеяння з моладдзю аж да 2025 года. Марафон рэалізуецца па прынцыпе "роўны навучае роўнага". У рамках марафону было праведзена больш за 70 сустрэч па ўсёй краіне - у Мінску, Гомелі, Брэсце, Жлобіне, Пінску і іншых гарадах", - адзначыў Дзмітрый Муравейнікаў.

У якасці адукацыйных методык пры рабоце з маладзёжнай аўдыторыяй, накіраваных на павышэнне палітычнай дасведчанасці, развіццё прамоўніцкіх якасцей, аналітычных здольнасцей, эксперт назваў адукацыйныя гульні, дэбаты. "Удзел моладзі ў палітычнай кампаніі - гэта сучасны трэнд. Моладзь цікавіцца палітыкай, моладзь цікавіцца выбарамі, адпаведна і будучыняй нашага грамадства", - рэзюмаваў ён.-0-

Падпісвайцеся на нас у
Twitter
Топ-навіны
Свежыя навіны Беларусі