ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -1°C
Усе навіны
Усе навіны
Грамадства
11 мая 2022, 17:17

Прадстаўнік Беларусі пры ФАО: санкцыі супраць нас уплываюць на харчовую бяспеку ЕС

Фота з архіва
Фота з архіва

11 мая, Мінск /Кар. БЕЛТА/. Уведзеныя супраць Беларусі санкцыі ўплываюць на харчовую бяспеку Еўрапейскага саюза. Аб гэтым заявіў намеснік пастаяннага прадстаўніка Беларусі пры Харчовай і сельскагаспадарчай арганізацыі ААН (ФАО) Кірыл Пятроўскі на 33-й сесіі рэгіянальнай канферэнцыі ФАО для Еўропы, перадае карэспандэнт БЕЛТА.

Адной з тэм форуму стала сітуацыя ва Украіне і яе наступствы для сусветнай харчовай бяспекі і сельскай гаспадаркі, уключаючы сусветныя цэны на прадукты харчавання.

Кірыл Пятроўскі адзначыў, што зрушэнне акцэнтаў па палітычных матывах не дазваляе аб'ектыўна ацэньваць сітуацыю і знаходзіць правільныя рашэнні. Беларусь ужо звяртала на гэта ўвагу Савета ФАО.

"Можна колькі хочаце абмяркоўваць уплыў крызісу ва Украіне на харчовую бяспеку ў свеце, але, калі абмяркоўваць толькі гэты крызіс, высновы будуць заведама непаўнацэннымі. Упэўнены, што неабходна ў рэшце рэшт сумленна прызнацца, што людзі ў свеце галадаюць з-за комплексу прычын", - звярнуў увагу беларускі дыпламат.

Ён адзначыў, што гэтыя прычыны рэгулярна агучвае Сакратарыят ФАО: канфлікты (Сірыя, Афганістан, Украіна і іншыя); аднабаковыя санкцыі і абмежаванні на перамяшчэнне ўгнаенняў, прадуктаў харчавання, сельгастэхнікі; змяненні клімату, барацьба з якімі таксама паступова ператвараецца асобнымі краінамі і іх саюзнікамі ў інструмент эканамічнага процістаяння, а таксама пандэмія, бо абмежаванні да гэтага часу зняты не ўсюды.

"Мы бачым, што наша дыскусія прыносіць свой плён. З пятага пакета санкцый ЕС зроблена выключэнне для прадуктаў харчавання. Прадстаўнікі Еўрапейскага саюза ў сваіх выступленнях ужо згаджаюцца, што цэны на ўгнаенні выраслі задоўга да канфлікту ва Украіне. Я веру, што мы больш не пачуем заяў аб тым, што санкцыі не ўплываюць на харчовую бяспеку. Але ўсяго гэтага недастаткова. Мы губляем час. Неабходны сумленны і адкрыты дыялог па ўсім спектры пытанняў", - падкрэсліў Кірыл Пятроўскі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі