17 кастрычніка, Мінск /Кар. БЕЛТА/. Беларус Антон Каленік уваходзіць у топ-200 лепшых повараў свету і адзіны ў СНД мае тытул Wоrld Mаstеr Сhеf. Майстэрству ён вучыўся ў кулінарных акадэміях Італіі і Францыі. Цяпер ён, мабыць, адзін з нямногіх беларускіх повараў, каго пазнаюць на вуліцы і просяць сфатаграфавацца, паколькі Антон яшчэ і вядучы папулярнай тэлеперадачы, у якой дзеліцца сакрэтамі прыгатавання ў тым ліку і аўтарскіх страў. Сваю філасофію ён фармулюе коратка: кулінарная творчасць, заснаваная на традыцыях продкаў. За доўгія гады работы на кухні ён зразумеў простую ісціну: каб прыгатаваць смачную страву, трэба ўкласці ў яе душу. Галоўная спецыя - добры настрой. Калі няма яго - лепш адысці ад пліты.
Амаль праз 10 гадоў ён адправіўся паступаць у кулінарнае вучылішча, але прыёмная камісія заявіла: з яго высокімі ацэнкамі трэба паступаць у інстытут, а не ў ПТВ. Аднак Антон аказаўся мэтанакіраваным - прыйшоў падаваць дакументы на наступны дзень. І іх прынялі.
Антон Каленік - герой нашага праекта "Беларусы ў кадры". Ён расказаў, чым заслужыў пахвалу прэзідэнта Італіі Джорджа Напалітана, што гатаваў для Філіпа Кіркорава і як харчуюцца ў сям'і шэф-повара. А яшчэ растлумачыў, чаму самая здаровая кухня для беларусаў - нацыянальная.
Кожны тыдзень у газеце "7 дней" і на сайце БЕЛТА мы глядзім на свет вачамі простых беларусаў, якія шчыра любяць сваю справу, сям'ю і краіну. Усе нашы героі ўнікальныя, але іх аб'ядноўвае адно - вернасць сабе і зямлі, дзе яны жывуць.
*Праект створаны за кошт сродкаў мэтавага збору на вытворчасць нацыянальнага кантэнту.-0-
Першым настаўнікам будучага гуру кулінарыі стала яго бабуля. Шасцігадовы ўнучак прыехаў на канікулы ў вёску і вырашыў сам прыгатаваць ячную кашу з мясам. Быццам усё ішло згодна з планам, але, калі Антон ужо дастаў чыгунок з печы, аказалася, што ўнутры амаль усё згарэла. Бабуля не сварылася на ўнука, дала параду: гаршчок ставяць не ў агонь, а ў куток печы, каб каша тушылася. Гэта толькі ўзмацніла інтарэс хлопчыка да эксперыментаў на кухні.
Больш за 10 гадоў Антон Каленік узначальвае беларускую супольнасць прыхільнікаў натуральнага здаровага харчавання, якая ўваходзіць у міжнародны альянс Slow Food. Яго асноўны прынцып - любоў да дамашняй здаровай ежы мясцовай вытворчасці. Безумоўна, на яе прыгатаванне траціцца больш часу, затое яна больш карысная. "Slow Food - гэта лад жыцця. У інтэрнэце мы на сувязі з поварамі ўсяго свету: нешта адзін аднаму расказваем, паказваем. Працаваць у вакууме нельга. Добра, калі ёсць магчымасць паразмаўляць з рознымі людзьмі, культурамі, кухнямі. Мы праводзім з'езды альянсу, дзе гатуем старадаўнія нацыянальныя стравы, дзелімся вопытам. Нядаўна ў час такога майстар-класа ўзяў на заметку ідэю калег з Перу. Яны гатавалі смажаныя кветкі фасолі. Страва вельмі класная і па смаку падыходзіць беларусам. Упэўнены, нашым яна спадабаецца", - гаворыць майстар.
Нядаўна беларуская дэлегацыя наведала Міжнародны фестываль ежы "Тэра Мадрэ 2024" у італьянскім Турыне. Нашы повары выклікалі там сапраўдны кулінарны фурор сваімі сырнікамі без мукі - па старадаўнім рэцэпце. "Выпякалі ў печы. Гэтыя сырнікі настолькі ўсім спадабаліся, што ў хуткім часе пра іх гаварыў увесь Турын", - успамінае Антон Каленік.
Ён адзначае, што нават у складаныя часы ўзаемадзеянне паміж краінамі не спыняецца. "Я па-ранейшаму часта бываю ў замежных паездках. Мы з калегамі прадстаўляем кухні сваіх народаў і так знаёмім з іх культурай, - гаворыць субяседнік. - Я з гордасцю нясу сцяг любімай Беларусі і бачу, што гэта не выклікае пытанняў і негатыўных эмоцый у тамашняй публікі. Наадварот, нашы кулінары збіраюць на майстар-класах поўныя залы. Мы паказваем фатаграфіі, ролікі пра Беларусь. І людзі дзякуюць нам за гасціннасць і магчымасць паспрабаваць смачную страву. Паверце, усе хочуць нармальнага ранейшага ўзаемадзеяння".
У лістападзе нашы кулінары ў складзе вялікай дэлегацыі накіруюцца ў Шанхай на Кітайскую міжнародную выстаўку імпарту (China International Import Expo 2024) - адно з буйнейшых і важнейшых такіх мерапрыемстваў у свеце. Выстаўка праходзіць пад патранатам старшыні КНР Сі Цзіньпіна. У павільёне наведвальнікаў чакаюць у тым ліку яркія шоу з майстар-класамі па прыгатаванні страў нацыянальнай беларускай кухні ад нашага вядомага шэф-повара. "Кітайцам вельмі падабаецца спрабаваць незвычайныя для іх беларускія стравы. У мінулым годзе яны прыходзілі да нас на працягу дня. Раніцай гатавалі смажанку - з каўбаскай і сырам. Раздалі сотні кавалачкаў на пробу. Самая доўгая чарга па ўсім павільёне была да нас! І ў гэтым годзе пастараемся здзівіць гасцей нечым нацыянальным", - абяцае шэф-повар.
Кожны тыдзень у газеце "7 дней" і на сайце БЕЛТА мы глядзім на свет вачамі простых беларусаў, якія шчыра любяць сваю справу, сям'ю і краіну. Усе нашы героі ўнікальныя, але іх аб'ядноўвае адно - вернасць сабе і зямлі, дзе яны жывуць.
*Праект створаны за кошт сродкаў мэтавага збору на вытворчасць нацыянальнага кантэнту.-0-
Падпісвайцеся на нас у
