21 чэрвеня, Брэст /Кар. БЕЛТА/. Каля Паўночнай брамы мемарыяльнага комплексу "Брэсцкая крэпасць-герой" 21 чэрвеня ва ўрачыстай абстаноўцы адкрылі скульптурную кампазіцыю "Савецкім пагранічнікам прысвячаецца". У цырымоніі прыняў удзел кіраўнік Адміністрацыі Прэзідэнта Дзмітрый Крутой, перадае карэспандэнт БЕЛТА.
Ідэю аб перадачы на бязвыплатнай аснове скульптурнай кампазіцыі воінам-пагранічнікам Прэзідэнту Беларусі прапанавала Міністэрства абароны Расіі. Кіраўнік дзяржавы ініцыятыву падтрымаў і прыняў рашэнне ўстанавіць помнік да Дня ўсенароднай памяці ахвяр Вялікай Айчыннай вайны і генацыду беларускага народа. Брэст адным з першых у чэрвені 1941 года прыняў на сябе ўдар нямецка-фашысцкіх захопнікаў. Першымі на рубяжах сустрэлі ворага воіны ў зялёных фуражках. Горад над Бугам быў апошнім вызвалены ад акупантаў. Новая скульптурная кампазіцыя сімвалізуе ўсталяванне дзяржаўнай граніцы СССР у 1944 годзе. У памяць аб гэтай падзеі застылі фігуры чатырох воінаў-пагранічнікаў, якія ўстанаўліваюць пагранічны слуп.
"22 чэрвеня 1941 года фашысцкая Германія вераломна напала на Савецкі Саюз. Удар амаль 5,5 млн нямецкіх салдат і іх сатэлітаў прынялі на сябе 83 тыс. пагранічнікаў, якія служылі на заходняй граніцы. 485 пагранічных застаў сарвалі планы праціўніка наконт бліцкрыгу. 257 падраздзяленняў граніцы абаранялі свае ўчасткі да сутак, 36 - да двух сутак. Ад тыдня і даўжэй пратрымаліся больш за 100 пагранічных застаў. 45, як і бессмяротны гарнізон Брэсцкай крэпасці, стойка змагаліся больш за месяц", - акцэнтаваў увагу старшыня Дзяржаўнага пагранічнага камітэта Беларусі Канстанцін Моластаў.
Прадстаўнікі розных нацыянальнасцей плячо ў плячо абаранялі сваю Радзіму. Кожны верыў, што наша зямля будзе вызвалена. Такі дзень настаў летам 1944 года ў выніку стратэгічнай наступальнай аперацыі "Баграціён". Заходні ўчастак дзяржаўнай граніцы Савецкага Саюза ў межах Беларусі быў устаноўлены. Менавіта гэту падзею ўвекавечылі ў бронзе скульптары.
"Сучаснае пакаленне пагранічнікаў Беларусі ганарыцца тым, што ім выпаў гонар ахоўваць дзяржаўную граніцу на тым жа рубяжы, дзе ў чэрвені 1941 года праявілі масавы гераізм нашы папярэднікі. Не менш важна тое, што, выконваючы задачы па забеспячэнні пагранічнай бяспекі Рэспублікі Беларусь, мы абараняем заходнія рубяжы Саюзнай дзяржавы Беларусі і Расіі. Адзіныя карані, агульная вера і традыцыі з'яўляюцца фундаментам узаемаадносін двух братэрскіх народаў. Захаванне гістарычнай праўды, памяці продкоў - аснова будучыні нашых дзяржаў", - падкрэсліў Канстанцін Моластаў.
Для ўстаноўкі помніка разглядалі розныя месцы. Найбольш прыдатнай лакацыяй стала тэрыторыя каля Паўночнай брамы Брэсцкай крэпасці. Менавіта тут нямецка-фашысцкія захопнікі атрымалі першы адпор, былі зроблены першыя крокі да Перамогі. "Сярод абаронцаў брэсцкай цытадэлі налічвалася каля 500 пагранічнікаў Брэсцкага пагранатрада. Яны пакрылі сябе нязгаснай славай. Такія падзеі - апорныя кропкі нашай вялікай гісторыі. У іх - вытокі народнага гонару і патрыятызму", - адзначыў намеснік міністра абароны Расіі - начальнік галоўнага ваенна-палітычнага ўпраўлення Узброеных Сіл Расійскай Федэрацыі Віктар Гарамыкін. Скульптурная кампазіцыя каля сцен Брэсцкай крэпасці - гэта знак падзякі, прызнання заслуг усіх удзельнікаў Вялікай Айчыннай вайны, якія цаной свайго жыцця падарылі нам мір. "У нашых краінах свята шануюць подзвігі бацькоў і дзядоў. Ніколі не забудуць пра тыя ахвяры і нягоды, што выпалі на іх долю", - дадаў Віктар Гарамыкін.
Помнік пагранічнікам адліты ў Маскве, у Студыі ваенных мастакоў імя Грэкава. Работа над ім доўжылася каля пяці месяцаў. Спачатку фігуры стварылі ў гліне, а затым - у бронзе. Аўтары працавалі з архіўнымі дакументамі, фатаграфіямі, каб вобразы савецкіх пагранічнікаў адпавядалі эпосе. "Мы адзявалі канструктараў у патрэбнае нам абмундзіраванне. Яны станавіліся ў патрэбныя позы. Мы фатаграфавалі іх з натуры і ляпілі. Вобразы, зразумела, зборныя. Нам важна было перадаць стан людзей той эпохі", - падзяліўся скульптар Аляксей Чабаненка.
Памочнік міністра абароны па ідэалагічнай рабоце ва Узброеных Сілах - начальнік галоўнага ўпраўлення ідэалагічнай работы Міністэрства абароны Беларусі Леанід Касінскі лічыць, што ўстаноўка гэтага помніка - яшчэ адна цаглінка ў барацьбу з фальсіфікацыяй гісторыі. "У нас у краіне шмат памятных мясцін, шмат манументаў. Гэта наш уклад у захаванне і перадачу гістарычнай праўды нашым нашчадкам. Тут недалёка - наша суседка Польшча, - звярнуў увагу Леанід Касінскі. - Разбураюць помнікі, знішчаюць гістарычную праўду, баяцца нашых дзядоў і прадзедаў, якія вызвалілі Еўропу, нават у застылых манументах. Мы павінны зрабіць усё, каб захаваць гістарычную праўду, пакінуць яе нашым нашчадкам".-0-
Ідэю аб перадачы на бязвыплатнай аснове скульптурнай кампазіцыі воінам-пагранічнікам Прэзідэнту Беларусі прапанавала Міністэрства абароны Расіі. Кіраўнік дзяржавы ініцыятыву падтрымаў і прыняў рашэнне ўстанавіць помнік да Дня ўсенароднай памяці ахвяр Вялікай Айчыннай вайны і генацыду беларускага народа. Брэст адным з першых у чэрвені 1941 года прыняў на сябе ўдар нямецка-фашысцкіх захопнікаў. Першымі на рубяжах сустрэлі ворага воіны ў зялёных фуражках. Горад над Бугам быў апошнім вызвалены ад акупантаў. Новая скульптурная кампазіцыя сімвалізуе ўсталяванне дзяржаўнай граніцы СССР у 1944 годзе. У памяць аб гэтай падзеі застылі фігуры чатырох воінаў-пагранічнікаў, якія ўстанаўліваюць пагранічны слуп.
"22 чэрвеня 1941 года фашысцкая Германія вераломна напала на Савецкі Саюз. Удар амаль 5,5 млн нямецкіх салдат і іх сатэлітаў прынялі на сябе 83 тыс. пагранічнікаў, якія служылі на заходняй граніцы. 485 пагранічных застаў сарвалі планы праціўніка наконт бліцкрыгу. 257 падраздзяленняў граніцы абаранялі свае ўчасткі да сутак, 36 - да двух сутак. Ад тыдня і даўжэй пратрымаліся больш за 100 пагранічных застаў. 45, як і бессмяротны гарнізон Брэсцкай крэпасці, стойка змагаліся больш за месяц", - акцэнтаваў увагу старшыня Дзяржаўнага пагранічнага камітэта Беларусі Канстанцін Моластаў.
Прадстаўнікі розных нацыянальнасцей плячо ў плячо абаранялі сваю Радзіму. Кожны верыў, што наша зямля будзе вызвалена. Такі дзень настаў летам 1944 года ў выніку стратэгічнай наступальнай аперацыі "Баграціён". Заходні ўчастак дзяржаўнай граніцы Савецкага Саюза ў межах Беларусі быў устаноўлены. Менавіта гэту падзею ўвекавечылі ў бронзе скульптары.
"Сучаснае пакаленне пагранічнікаў Беларусі ганарыцца тым, што ім выпаў гонар ахоўваць дзяржаўную граніцу на тым жа рубяжы, дзе ў чэрвені 1941 года праявілі масавы гераізм нашы папярэднікі. Не менш важна тое, што, выконваючы задачы па забеспячэнні пагранічнай бяспекі Рэспублікі Беларусь, мы абараняем заходнія рубяжы Саюзнай дзяржавы Беларусі і Расіі. Адзіныя карані, агульная вера і традыцыі з'яўляюцца фундаментам узаемаадносін двух братэрскіх народаў. Захаванне гістарычнай праўды, памяці продкоў - аснова будучыні нашых дзяржаў", - падкрэсліў Канстанцін Моластаў.
Для ўстаноўкі помніка разглядалі розныя месцы. Найбольш прыдатнай лакацыяй стала тэрыторыя каля Паўночнай брамы Брэсцкай крэпасці. Менавіта тут нямецка-фашысцкія захопнікі атрымалі першы адпор, былі зроблены першыя крокі да Перамогі. "Сярод абаронцаў брэсцкай цытадэлі налічвалася каля 500 пагранічнікаў Брэсцкага пагранатрада. Яны пакрылі сябе нязгаснай славай. Такія падзеі - апорныя кропкі нашай вялікай гісторыі. У іх - вытокі народнага гонару і патрыятызму", - адзначыў намеснік міністра абароны Расіі - начальнік галоўнага ваенна-палітычнага ўпраўлення Узброеных Сіл Расійскай Федэрацыі Віктар Гарамыкін. Скульптурная кампазіцыя каля сцен Брэсцкай крэпасці - гэта знак падзякі, прызнання заслуг усіх удзельнікаў Вялікай Айчыннай вайны, якія цаной свайго жыцця падарылі нам мір. "У нашых краінах свята шануюць подзвігі бацькоў і дзядоў. Ніколі не забудуць пра тыя ахвяры і нягоды, што выпалі на іх долю", - дадаў Віктар Гарамыкін.
Помнік пагранічнікам адліты ў Маскве, у Студыі ваенных мастакоў імя Грэкава. Работа над ім доўжылася каля пяці месяцаў. Спачатку фігуры стварылі ў гліне, а затым - у бронзе. Аўтары працавалі з архіўнымі дакументамі, фатаграфіямі, каб вобразы савецкіх пагранічнікаў адпавядалі эпосе. "Мы адзявалі канструктараў у патрэбнае нам абмундзіраванне. Яны станавіліся ў патрэбныя позы. Мы фатаграфавалі іх з натуры і ляпілі. Вобразы, зразумела, зборныя. Нам важна было перадаць стан людзей той эпохі", - падзяліўся скульптар Аляксей Чабаненка.
Памочнік міністра абароны па ідэалагічнай рабоце ва Узброеных Сілах - начальнік галоўнага ўпраўлення ідэалагічнай работы Міністэрства абароны Беларусі Леанід Касінскі лічыць, што ўстаноўка гэтага помніка - яшчэ адна цаглінка ў барацьбу з фальсіфікацыяй гісторыі. "У нас у краіне шмат памятных мясцін, шмат манументаў. Гэта наш уклад у захаванне і перадачу гістарычнай праўды нашым нашчадкам. Тут недалёка - наша суседка Польшча, - звярнуў увагу Леанід Касінскі. - Разбураюць помнікі, знішчаюць гістарычную праўду, баяцца нашых дзядоў і прадзедаў, якія вызвалілі Еўропу, нават у застылых манументах. Мы павінны зрабіць усё, каб захаваць гістарычную праўду, пакінуць яе нашым нашчадкам".-0-
Падпісвайцеся на нас у
