12 верасня, Брэст /Кар. БЕЛТА/. Польшча закрыла граніцу з Беларуссю, перадае карэспандэнт БЕЛТА.
На мосце перад пунктам пропуску "Брэст" польскія вартавыя граніц працягнулі калючы дрот, такім чынам закрыўшы сваю граніцу. Таксама польскія сілавікі паставілі металічную загароду. У чарзе засталіся некалькі транспартных сродкаў, якія вымушаны будуць вярнуцца ў Беларусь.
Паводле даных Дзяржаўнага пагранічнага камітэта, 11 верасня з 18.00 па беларускім часе польскі бок перадаў для афармлення на ўезд у Беларусь больш за 260 транспартных сродкаў. Граніцу перасеклі грамадзяне Беларусі і іншых краін, у тым ліку Польшчы. Беларускія пагранічнікі афармлялі ўсіх жадаючых адправіцца на выезд.
Пагранічная варта Рэспублікі Польшча 11 верасня афіцыйна праінфармавала Дзяржаўны пагранічны камітэт Беларусі аб закрыцці з 1.00 12 верасня па беларускім часе пунктаў пропуску на беларуска-польскай граніцы. Размова ідзе аб аўтадарожных "Брэст" - "Цярэспаль" і "Казловічы" - "Кукурыкі", а таксама чатырох чыгуначных пунктах пропуску: "Гродна" - "Кузніца Беластоцкая", "Бераставіца" - "Зубкі Беластоцкія", "Свіслач" - "Сямёнаўка", "Брэст" - "Цярэспаль". Тэрміны аднаўлення работы пунктаў пропуску польскі бок паабяцаў паведаміць дадаткова.
Беларускія аўтамабільныя пункты пропуску на латвійскім і літоўскім напрамках функцыянуюць у стандартным рэжыме.-0-
Падпісвайцеся на нас у
