27 сакавіка, Мінск /Кар. БЕЛТА/. Чарга перад адзіным даступным пунктам пропуску на беларуска-польскай граніцы "Кукурыкі" ("Казловічы") за выхадныя павялічылася ў два разы і цяпер складае 1 тыс. аўто. Аб гэтым БЕЛТА паведамілі ў Дзяржпагранкамітэце.
Асноўная прычына - невыкананне польскім бокам дамоўленасцей па пропуску велікагрузаў. Так, за выхадныя сумежныя кантрольныя службы прапусцілі ўсяго 61 працэнт фур ад нормы.
Затрымкі ў афармленні фур таксама адзначаюцца ў літоўскіх пунктах пропуску "Твярачус" ("Відзы"), "Лаварышкес" ("Катлоўка"), "Мядзінінкай" ("Каменны Лог"), "Шальчынінкай" ("Беняконі") і "Райгардас" ("Прывалка"). З пятніцы літоўскія кантрольныя службы прапусцілі на сваю тэрыторыю менш за 47 працэнтаў фур.
Чарга легкавушак адзначаецца перад пунктамі пропуску "Мядзінінкай" ("Каменны Лог") і "Цярэспаль" ("Брест"). За два дні па гэтых маршрутах у ЕС прайшло ўсяго 35 працэнтаў аўто ад нормы.-0-
