"П'янаму і бяспраўнаму не месца на дарозе!" ДАІ правядзе рэспубліканскую акцыю 9-12 жніўня

9 жніўня, Мінск /Кар. БЕЛТА/. Прафілактычная акцыя Дзяржаўтаінспекцыі "П'янаму і бяспраўнаму не месца на дарозе!" пройдзе ў Беларусі 9-12 жніўня. Аб гэтым БЕЛТА паведамілі ў галоўным упраўленні ДАІ МУС.

Прафілактычнае мерапрыемства накіравана на папярэджанне і своечасовае спыненне фактаў кіравання транспартам нецвярозымі вадзіцелямі, а таксама вадзіцелямі-бяспраўнікамі.

Супрацоўнікі ДАІ ўзмоцняць нагляд за дарожным рухам, наблізіўшы маршруты патрулявання да месцаў масавага адпачынку грамадзян, аб'ектаў гандлю і забаўляльных устаноў, якія працуюць у кругласутачным рэжыме. Таксама запланаваны абмен нарадамі ДПС мяжуючых раёнаў, правядзенне спецыяльных мерапрыемстваў пад умоўнымі назвамі "Фільтр" і "Павуціна". Супрацоўнікі спецпадраздзялення ДПС "Страла" акажуць практычную дапамогу раёнам з найбольш неспрыяльнай дарожнай абстаноўкай.-0-