17 лістапада, Мінск /Кар. БЕЛТА/. Пісьмовых скаргаў у ЦВК у асноўны дзень галасавання на выбарах дэпутатаў Палаты прадстаўнікоў пакуль не паступала. Аб гэтым сёння журналістам паведаміла старшыня Цэнтрвыбаркама Лідзія Ярмошына, перадае карэспандэнт БЕЛТА.
Абстаноўка на выбарах спакойная. "Пісьмовых скаргаў за сённяшні дзень аб парушэнні працэдуры галасавання ў Цэнтральную камісію не паступала", - праінфармавала Лідзія Ярмошына.
Званкі ў ЦВК паступаюць, але самыя сур'ёзныя прэтэнзіі, якія выказваюць людзі, звязаны з тым, што ім не прынеслі запрашэнне прысці на выбарчы ўчастак.
Ад міжнародных наглядальнікаў сёння скаргаў таксама не паступала.
Лідзія Ярмошына пракаменціравала правакацыі, якія раней адбыліся на выбарчых участках. "Яны сведчыць не аб няведанні закону. Гэта поўная адсутнасць уласнай унутранай культуры", - лічыць яна.-0-
