14 верасня, Мінск /Кар. БЕЛТА/. У Беларусі на розных стадыях ажыццяўляліся тры асноўныя тыпы падтрымкі беспарадкаў, заявіў у эфіры СТБ палітык, палітолаг, публіцыст (Польшча) Матэвуш Піскорскі, паведамляе БЕЛТА.
Паводле яго слоў, сітуацыя ў Беларусі кіруецца звонку. "Я не думаю, што гэта аперацыя каардынуецца менавіта з Варшавы. Хутчэй за ўсё, яна з'яўляецца падрадчыкам гэтага праекта. Варшава традыцыйна выконвае ролю геапалітычнага фарпоста ЗША ва Усходняй Еўропе і на постсавецкай прасторы. Мы гэта бачылі ў выпадку з іншымі краінамі постсавецкай прасторы, з Украінай некалькі гадоў таму, раней з Грузіяй. Таму ў Польшчы ёсць традыцыйная геапалітычная роля, якая з'яўляецца часткай ажыццяўлення тых планаў і задач, што прыходзяць сюды з Вашынгтона. Гэта ніяк не звязана з самастойнымі рашэннямі польскіх улад", - сказаў Матэвуш Піскорскі.
Рознага кшталту падтрымка планаў дэстабілізацыі сітуацыі ў Беларусі ажыццяўляецца не столькі ўрадавымі структурамі Польшчы, а хутчэй няўрадавымі. "Гэта тры асноўныя віды падтрымкі на розных стадыях беспарадкаў у Беларусі пасля выбараў. Першы від падтрымкі - гэта тое, што ў Беларусь былі адпраўлены інструктары. Некаторыя з іх прадстаўляюць групы, якія карыстаюцца падтрымкай розных фондаў Сораса. Прадстаўнікі гэтых груп, знаходзячыся ў Мінску, нават не саромеліся, размаўляючы з польскімі СМІ і расказваючы, што размяркоўваюць інструкцыі апазіцыянерам і пратэстуючым. Другі від падтрымкі - былі пэўныя выпадкі, калі ў Мінск адпраўляліся баевікі - грамадзяне Польшчы, у якіх быў пэўны вопыт, у тым ліку ў баявых дзеяннях на ўсходзе Украіны. Яны былі, дарэчы, звязаны з рознымі неанацысцкімі групоўкамі ў Польшчы і Украіне", - адзначыў палітолаг.
Матэвуш Піскорскі падкрэсліў, што самы небяспечны від умяшання ва ўнутраныя справы Беларусі - праз Telegram-каналы. "Думаю, што ніхто не сумняваецца, што за спінай у гэтага Telegram-канала стаіць не адзін малады чалавек - грамадзянін Беларусі, якому 22 гады і які прыехаў у Польшчу студэнтам. Там працавала і прадаўжае працаваць даволі прафесійная група піяршчыкаў, людзей, у якіх ёсць пэўны вопыт правядзення інфармацыйных і дэзынфармацыйных аперацый. Таму ёсць пэўныя фінансавыя ўкладанні. І думаю, што гэта самы небяспечны від умяшання ва ўнутраныя справы Беларусі", - сказаў ён на заканчэнне.-0-
