22 сакавіка, Мінск /Кар. БЕЛТА/. Калі калектыўны Захад прыме рашэнне аб пастаўцы знішчальнікаў ва Украіну, то Польшча будзе адной з першых краін, хто гэта зробіць. Такі пункт гледжання ў праекце "У тэме" на YouTube-канале БЕЛТА выказаў польскі палітолаг Матэвуш Піскорскі.
Каменціруючы павелічэнне абароннага бюджэту Польшчы ў два разы, Матэвуш Піскорскі аргументаваў гэта тым, што Польшча аддала значную колькасць зброі Украіне. "Трэба паглядзець, колькі нашай зброі трапіла на тэрыторыю Украіны. І тады мы зможам зразумець, наколькі польскаму кіраўніцтву ўдасца даўкамплектаваць нашу армію. Анджэй Дуда на форуме ў Давосе сказаў, што мы практычна ўсю зброю аддалі Украіне. Польская армія раззброілася і цяпер будзе купляць узбраенне ў ЗША, што вельмі выгадна некаторым ігракам ваенна-прамысловага комплексу. Наколькі гэта паўплывае на абараназдольнасць і тым больш на наступальны патэнцыял польскіх узброеных сіл, сказаць цяжка", - адзначыў Матэвуш Піскорскі.
Што датычыцца пастаўкі Польшчай знішчальнікаў ва Украіну, то, на думку польскага палітолага, гэта рашэнне не будзе залежаць ад польскага кіраўніцтва. "Але гэта магчыма. Калі ўспомніць гісторыю з танкамі, то мы чулі ўжо пра мноства гэтых чырвоных ліній ад Расіі і ніякіх рэзкіх наступстваў не было. Ад Масквы былі папярэджанні, але Захад іх ігнараваў. Я ўпэўнены, што калі калектыўны Захад прыме рашэнне аб пастаўках такой тэхнікі, то Польшча будзе адной з першых краін, якія перададуць знішчальнікі. Але гэта будзе зроблена толькі са згоды страшых партнёраў па НАТА", - рэзюмаваў польскі палітолаг.-0-
