22 снежня, Мінск /Кар. БЕЛТА/. Стварэнне ўласнай вакцыны ад каранавіруса з'яўляецца элементам нацыянальнай бяспекі. Аб гэтым заявіў журналістам міністр аховы здароўя Дзмітрый Піневіч па выніках нарады ў кіраўніка дзяржавы па пытаннях распрацоўкі процівірусных вакцын, а таксама лакалізацыі вытворчасці замежных вакцын у Беларусі, перадае карэспандэнт БЕЛТА.
Міністр перакананы, што ў сучасных умовах вакцынацыя, як і сістэма аховы здароўя ў цэлым, стала элементам эканомікі і палітыкі.
"Стварэнне ўласнай вакцыны - гэта элемент нацыянальнай бяспекі, - падкрэсліў ён. - Стварэнне вакцыннай вытворчасці (чаго ў нас не было) з'яўляецца стратэгічным напрамкам".
Дзмітрый Піневіч адзначыў, што айчынная фармацэўтычная прамысловасць ужо даўно і паспяхова займаецца трансферам тэхналогій па стварэнні маштабнай вытворчасці лякарстваў. Гэта стварае добрую аснову для наладжвання па аналагічнай схеме і вытворчасці вакцын. З'яўленне такога новага для краіны напрамку прывядзе да развіцця патэнцыялу навуковых калектываў, прамысловых магутнасцей, абсталявання і гэтак далей, аж да ўсіх элементаў тэхналагічнага ланцужка стварэння ўласнай вакцыны.-0-
